Әлмәттә «Безнең ишегалды» программасы кысаларында 20дән артык территория төзекләндерелә
2026 елда Әлмәттә «Безнең ишегалды» республика программасы кысаларында 24 йорт яны территориясе капиталь яңартылачак. Хәзерге вакытта проектны гамәлгә ашыруга әзерлек бара. Эшләр юл-төзелеш сезоны башлану белән үткәрелә башлаячак.
Төзекләндерү шәһәрнең төрле өлешләрендәге ишегалларына кагылачак. Программага Зарипов урамы, 33, Ленин урамы, 203, Ринат Галиев урамы, 25 йорт яны территорияләре, шулай ук Бигаш урамы, 131, 133 һәм 135 йортлар яны территорияләре кертелгән. Төзүчеләр проспектындагы 6, 10 һәм 16 йортлар янындагы, Ленин урамындагы 187, 189, 171, 123, 123в, 125 һәм 201 йортлар янындагы, Маяковский урамындагы 76 йорт янындагы, Шевченко урамындагы 164 һәм 166 йортлар янындагы, шулай ук Чехов урамындагы 32 һәм 36 йортлар янындагы ишегаллары яңартылачак.
Эшләр Түбән Мактама шәһәр тибындагы бистәсендә дә узачак. Анда программага Достоевский урамындагы 3, 5, 9 һәм 21 йортлар янындагы ишегаллары, Некрасов урамындагы 4, 6, 8 йортлар янындагы ишегаллары, шулай ук Вахитов урамындагы 6, 8, 10, 12, 14, 16, 18 һәм 20 йортлар ишегаллары кертелгән.
Моннан тыш, төзекләндерү Әлмәт районының авыл торак пунктларына да кагылачак. Рус Акташы авылында Ленин урамы, 3 йорт, Тайсуган авылында Сәләхетдинов урамы, 31 йорт Ямаш авылында Кыяткин урамы, 6 йорт ишегалды яңартылачак.