Татарстанда росгвардиячеләр юл кырыенда карда батып калган машина йөртүчегә ярдәм иткән
Росгвардиянең Татарстандагы идарәсенең «Ак Барс» ОМОН хезмәткәрләре автомобиле шәһәр яны трассасы кырыенда йомшак карда батып калган машина йөртүчегә ярдәмгә килгән. Бу хакта «Татар-информ»га ведомствоның матбугат хезмәтендә хәбәр итәләр.
Патрульлек вакытында бүлекчә хезмәткәрләре кар көртендә батып калган җиңел машинаны күреп ала.
Росгвардиячеләр башта автомобильне кул белән этеп чыгарырга тырыша, ләкин бу ярдәм итми. Шуннан соң алар трос ярдәмендә машинаны тартып чыгара.
Машина йөртүче хезмәткәрләргә оператив ярдәмнәре өчен рәхмәт белдерде, диелә хәбәрдә.
Фото: © Росгвардиянең Татарстандагы идарәсе матбугат хезмәте