Игорь Матвиенко: Минемчә, татар телен мәктәпләрдә өйрәнергә кирәк
«Яңа дулкын» конкурсы продюсеры һәм жюри әгъзасы Игорь Матвиенко «Татар-информ»га биргән интервьюда Казанның уникальлеген билгеләп үтте. Анда ике дин – Православие һәм Ислам тату яши, дип билгеләп үтте ул.
«Шәһәр ике дин – Православие һәм Ислам бергә тату яшәве белән гаҗәпләндерә. Бу гаҗәеп күренеш. Шул ук вакытта биредә уртак мәдәният һәм уртак аралашу теле бар», – диде Матвиенко.
Ул шулай ук татар телен өйрәнүнең мөһимлеген ассызыклады.
«Минемчә, татар телен мәктәпләрдә өйрәнергә кирәк. Бу дөрес, дип саныйм. Хәтта шәһәргә килүчеләр дә, белүемчә, аны өйрәнергә тырыша. Килгән урыныңның мәдәниятен аңларга кирәк», - дип билгеләде продюсер.