Татарстанда көчле җил, яшен һәм +22 градуска кадәр җылы булуы көтелә
Якшәмбе, 23 июньдә, Татарстанда аязучан болытлы һава торышы көтелә. Урыны белән яңгыр явачак. Бу хакта ТР Гидрометеорология үзәге кисәтә.
Шулай ук яшен фаразлана. Көчле җил булуы ихтимал. Җилнең тизлеге урыны белән секундына 15-20 метрга җитәргә мөмкин.
Төнлә термометр баганалары +10..+15 градус күрсәтәчәк, ә көндез исә һава температурасы +17..+22 градустан югары күтәрелмәячәк.