Марат Садыйков исемендәге хастаханә сәламәтлек саклау өлкәсендә илкүләм бәйгедә җиңде
Казанның Марат Садыйков исемендәге 7нче шәһәр клиник хастаханәсе Социаль статистика фәнни-тикшеренү институты үткәргән «Россиянең иң яхшы сәламәтлек саклау учреждениеләре - 2023» илкүләм конкурсы лауреаты булды. Бу турыда Татарстан Сәламәтлек саклау министрлыгы хәбәр итте.
Халыкны сәламәтләндерүгә керткән өлеше өчен Марат Садыйков исемендәге 7нче шәһәр клиник хастаханәсенең баш табибы Артур Делян мактау грамотасына лаек булды.
Конкурс кулланучылар фикерләрен сораштыру, дәүләт һәм муниципаль органнар, тармак министрлыклары һәм ведомстволары тәкъдимнәре, шулай ук ачык чыганакларда бәяләмәләрне һәм рейтингларны анализлау нигезендә гамәлгә ашырыла, диелә хәбәрдә.