Рөстәм Миңнеханов татарстанлыларны Россия флагы көне белән котлады
Татарстан Рәисе Рөстәм Миңнеханов республика халкын Россия Дәүләт флагы көне белән котлады. Ул Телеграм-каналында видеоролик урнаштырган, анда триколор һәм Мәскәү Кремле фонында бер малай Юрий Поляковның танылган «Флаг России» шигырен укый.
Шигырь түбәндәге юллардан башлана: «В день безоблачный и ясный / Над тобой и надо мной / Реет бело-сине-красный / Флаг страны моей родной».
«Россия Федерациясе Дәүләт флагы көне белән!» - дип язган Миңнеханов.
Искәртик, шулай ук россиялеләргә котлаулар белән Президент Владимир Путин мөрәҗәгать итте. «Россия триколоры - ул Россия символы гына түгел, ә аның халкының бердәмлеге һәм алга хәрәкәт итү өчен илһам да», диде ул.
Моннан тыш, бүген Казан Кремле диварлары янында Идел буе федераль округында Россиянең иң зур флагын җәйделәр.