Миңнеханов һәм Ашкалов Татарстан таможнясы эшен камилләштерү турында фикер алышты
Татарстан Рәисе Рөстәм Миңнеханов Идел буе таможня идарәсе җитәкчесе Агепсим Ашкалов белән очрашты. Яклар Татарстан таможнясы эше, шулай ук процедураларны һәм операцияләрне камилләштерү мөмкинлекләре турында фикер алышты. Бу хакта Татарстан Республикасы җитәкчесенең матбугат хезмәте хәбәр итә.
«Татарстан таможнясының җитештерү эшчәнлеге, таможня процедураларын һәм операцияләрен алга таба камилләштерү мәсьәләләре турында фикер алыштылар», – диелә хәбәрдә.
Чарада шулай ук Татарстан таможнясы җитәкчесе Марат Гәрәев, Татарстан Республикасы Икътисад министрлыгы башлыгы Мидхәт Шаһиәхмәтов, Татарстан Республикасы Рәисе каршындагы Эшкуарлар хокукларын яклау буенча вәкаләтле вәкил Фәрит Габделганиев һәм башкалар катнашты.