Татарстанда -12 градуска кадәр суыта
(Казан, 5 гыйнвар, «Татар-информ»). Иртәгә, 6 гыйнварда, Татарстанда көн бераз суытачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. Иртәгә республикада аязучан болытлы һава торышы көтелә. Төнлә кар явачак, көндез Татарстанның төньягы һәм көнчыгышында шулай ук бераз кар яварга мөмкин. Көньяк-көнчыгыштан талгын җил исәчәк. Төнлә һәм иртән аерым районнарда томан төшәчәк. Моннан тыш, юлларда бозлавык барлыкка киләчәк, урыны белән карт көртләре хасил булырга мөмкин. Бу хакта «Татар-информ» агентлыгы хәбәр иткән иде инде. Төнге сәгатьләрдә республикада -7, -12, көндез -5, -10 градус салкын булачак.