Әдәбият галиме Әлфәт Закирҗанов татар язучысына өйдә торганда күбрәк укырга киңәш итә
![Әдәбият галиме Әлфәт Закирҗанов татар язучысына өйдә торганда күбрәк укырга киңәш итә](https://tatar-inform.tatar/attachments/0916c0211e171d9b273e221f222507bdf891b55d/store/fill/780/440/7a7fa7376c49736088329f3ad70d4ca3c3c709f1a5b4c2a67f2ec3089b28/508b37e2d897d9d78a67bec7.jpg)
(Казан, 9 апрель, «Татар-информ», Рузилә Мөхәммәтова). Әдәбият галиме Әлфәт Закирҗанов үзизоляциядә утыру вакытын әдипләребезгә файдага дип саный. «Татар-информ» хәбәрчесе белән ул шушы фикерләре белән уртаклашты.
«Бүгенге татар язучыларының татар әдәбиятында да чагыла торган йомшак урыны — үткән әдәбиятыбызны, башка халыклар әдәбиятын чагыштырмача аз белүләре. Язучыларыбыз үзизоляциядә утырган вакытларын интернет ашамы, үз китапханәләрендәме — әдәбиятны күбрәк укырга тотсыннар иде», — дип киңәш бирә ул татар язучыларына.
«Бу вакыт язучы кешегә үзен баетырга ярдәм итә. Дөнья ыгы-зыгыларыннан арынып тынычланырга була. „Мин кем?“ дип уйланырга, халкым, илем дип уйланырга була. Мин изоляциядә утырган ун көн эчендә шулар турында уйландым», — ди галим.
«Дөнья ыгы-зыгысыннан аерылып китап белән, каләм белән бергә-бер калу язучыга бик кирәк», — ди Әлфәт Закирҗанов.