Новости за 16.03.2026

РФ Цифрлы үсеш, элемтә һәм массакүләм коммуникацияләр министрлыгы тавыш бирү нәтиҗәләре буенча өй интернеты беренче чиратта барлыкка киләчәк авыллар исемлеген билгеләячәк. Аерым йортлар өчен инфраструктура төзелешенә акчалар универсаль хезмәт күрсәтү резервыннан бүлеп биреләчәк, дип хәбәр итә ТР Дәүләт идарәсен цифрлы нигездә үстерү, мәгълүмати технологияләр һәм элемтә министрлыгы матбугат хезмәте.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

Татарстан Республикасында юл хәрәкәте кагыйдәләрен бозу очракларын теркәү буенча патруль автомобильләрендә урнаштырылган комплекслар эшли башлады. Бу хакта республика Дәүләт автоинспекциясендә хәбәр иттеләр.

Татарстан башкаласыннан Берләшкән Гарәп Әмирлекләренә турлар март ахырына кадәр кичектерелде. Бу хакта «Коммерсанть» газетасы ТР Туристлык агентлыклары ассоциациясе президенты Рамил Мифтаховка сылтама белән яза.

«Казан-Экспо» күргәзмәләр үзәгендә унынчы тапкыр узган «Fashion Iftar»да проект авторы, мода өлкәсендәге белгеч Җәннәт Минһаҗева Казанда мөселман хатын-кызлары өчен махсус үзәк булдырылачагы турында игълан итте. Аның сүзләренчә, әлеге урын гүзәл затларны җәлеп итүнең төп үзәгенә әверелергә тиеш, анда һәрбер хатын-кыз үзен тыныч һәм куркынычсыз мохиттә хис итә алачак. Ул әлеге карар Татарстан мөфтие Камил хәзрәт Сәмигуллин белән килешенгәнен искәртеп узды.

Татарстан сәнәгать һәм сәүдә министры Олег Коробченко Казанның 3нче гимназиясе укучыларына республиканың сәнәгать предприятиеләренә экскурсиягә чакырды. Ул «Мөһим әйберләр турында сөйләшү» дәресе вакытында мәктәп укучыларына шундый тәкъдим белән мөрәҗәгать итте.

Пенза-Казан маршруты буенча хәрәкәт иткән пассажир поезды вагонында 51 яшьлек ир-атның гомере өзелгән. Фаҗига узган шимбәдә булган. Бу хакта Россия Тикшерү комитетының транспортта Үзәк төбәкара тикшерү идарәсе матбугат хезмәте хәбәр итә.

Сәләт «Алмагач» мәктәбенең татар теле һәм әдәбияты укытучысы, «Татар теле – халкым теле» Бөтенроссия иҗади конкурсы һәм семинары җиңүчесе Ризәлә Гыйләҗева бәйгедә катнашудан алган хис-кичерешләре белән уртаклашты. «Татар-информ» мәгълүмат агентлыгында узган матбугат очрашуында ул конкурска ничек әзерләнүе турында сөйләде.

«Бердәм Россия»нең Халык программасы ил халкының конкрет проблемаларын хәл итү коралына әверелде. Партиянең Татарстан бүлеге секретаре, ТР Дәүләт Советы Рәисе Фәрит Мөхәммәтшин «Нәтиҗә бар» форумында шулай дип белдерде.

Сәләт «Алмагач» мәктәбенең татар теле һәм әдәбияты укытучысы, «Татар теле – халкым теле» Бөтенроссия иҗади конкурсы һәм семинары җиңүчесе Ризәлә Гыйләҗева фикеренчә, балаларны татар теленә җәлеп итү, кызыксынуларын арттыруда ихласлык кирәк. «Татар-информ» мәгълүмат агентлыгында узган матбугат очрашуында ул шундый фикерен белдерде.

Әлмәт районында мәгариф мохитен масштаблы яңарту дәвам итә: 2026 елда «Яшьләр һәм балалар» илкүләм проекты кысаларында 5нче гимназиядә һәм 2нче урта гомуми белем бирү мәктәбендә капиталь ремонт үткәрелә. Финанслауның гомуми күләме 215 миллион сумнан артып китәчәк, дип хәбәр итте район башлыгы Гүзәл Хәбетдинова.

Чаллының Акчурин исемендәге Ашыгыч медицина ярдәме хастаханәсе хирурглары сирәк очрый торган операция үткәргән. Алар кулланган ысул хастаханәдә беренче тапкыр сыналган. Бу хакта клиниканың матбугат хезмәте хәбәр итә.

Казакъстанда кичә узган референдумда яңа Конституция өлгесе өчен 7,9 миллион кеше, ягъни 87,15 процент яклап тавыш биргән. Каршы булучылар саны 898 меңнән арткан (9,8 процент). Бу хакта Үзәк сайлау комиссиясенең беренчел мәгълүматларында әйтелә. Бюллетеньдә: "2026 елның 12 февралендә массакүләм мәгълүмат чараларында бастырылган Казакъстан республикасы яңа Конституциясе өлгесен кабул итәсезме?" дигән бер генә сорау булган. Барлыгы тавыш бирүдә 9,1 миллион кеше катнашкан. Бу референдумда катнашу хокукы булган кешеләрнең 73,12 проценты дигән сүз. Читать дальше...

2026 елда Татарстан башкаласының Совет районында «Безнең ишегалды» программасы кысаларында ишегалды территорияләрен төзекләндерү дәвам итәчәк. Район хакимияте башлыгы Роман Фәтхетдинов мэриядә узган эшлекле дүшәмбедә шул хакта хәбәр итте.

Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина, хезмәт ветераннары Һаҗәр Бәширова, Җәрия Гыйматдинова Мәскәүнең Кунцево зиратында җирләнгән Закир Рәмиевнең (Дәрдемәнд) оныгы, танылган галим, Бөек Ватан сугышында катнашкан Бәшир Рәмиев һәм генерал-лейтенант Якуп Чанышев каберләренә чәчәкләр салды һәм дога кылды.

Быел 10-12 апрель көннәрендә «Сәләт-Батыр» үзәгендә «Татар теле – халкым теле» семинарының икенче этабы узачак. «Татар-информ» мәгълүмат агентлыгында узган матбугат очрашуында «Сәләт» яшьләр үзәге директоры урынбасары Аяз Хәнәфин әлеге чараның ни өчен Чувашиянең Батыр районында узачагы турында сөйләде.

«Татар теле – халкым теле» конкурсы һәм семинарына гаризалар бирү 23 мартка кадәр озайтыла. Бу хакта «Татар-информ» мәгълүмат агентлыгында матбугат очрашуында әлеге чараларның координаторы Ләйлә Алембикова әйтте.

Казанда мохтаҗ һәм күп балалы гаиләләрдә тәрбияләнүче балалар өчен 130 кешелек хәйрия ифтары оештырылды.

Казанда җомга көнне, 20 мартта, мөселманнар өчен иң зур һәм мөбарәк бәйрәмнәрнең берсе – Ураза гаете билгеләп үтеләчәк. Шәһәр мәчетләрендә бәйрәм чаралары иртәнге 6:30 сәгатьтә Коръән аятьләрен укудан башлана, дип хәбәр итте эшлекле дүшәмбедә Казан Башкарма комитетының иҗтимагый оешмалар белән элемтә бүлеге җитәкчесе Илгиз Сарманов.

Дәүләт Думасы Рәисе Вячеслав Володин белдергәнчә, Россиядә эшче һөнәрләренең абруе арта, шул исәптән яшьләр арасында да. Бу хакта РИА Новости хәбәр итә.

Филология фәннәре кандидаты, «Сәләт» мәгариф һәм уку-укыту технологияләре үзәге җитәкчесе, Сәләт «Алмагач» мәктәбе директоры Диләрә Якубова «Татар теле - халкым теле» иҗади конкурсы һәм семинарының төп кыйммәтләрен әйтте.

ТР Мөселманнары Диния нәзарәтенең хәләл стандарты буенча комитеты Россиянең барлык сертификатлаштыру органнары арасында беренче булып Федераль аккредитация хезмәтендә (Росаккредитация) тикшерү узып, ГОСТ Р 70402-2024 стандартына тәңгәл килә, дип танылды. Бу хакта ТР Диния нәзарәте матбугат хезмәте хәбәр итә.

Быел 10-12 апрель көннәрендә Чувашиянең Батыр районында «Сәләт-Батыр» үзәгендә «Татар теле – халкым теле» конкурсы һәм семинарының икенче этабы узачак. Әлеге чараларның әһәмияте турында «Татар-информ» мәгълүмат агентлыгында матбугат очрашуында «Сәләт» яшьләр үзәге директоры Айгөл Габдрахманова сөйләде.

Татар эстрадасына ул узган гасырның 90 елларында үзенчәлекле тавышы, үз стиле белән килеп кергән иде. Казан тамашачысы Мәскәү кызы башкаруындагы «Йә, кара әле күземә», «Умырзая», «Гөлләр», «Без – татарлар» җырларын яратып кабул итте.

Пилотсыз системалар гаскәрләрендәге хәрби хезмәткәрләргә, вазифасына бәйсез рәвештә, 300 процент өстәмә түләнә. Бу хакта «Татар-информ»га Казанда контракт буенча хезмәткә сайлап алу пункты офицеры Виктор Никитин сөйләде.