Новости за 03.03.2026

Биектауда күпфатирлы йорт түбәсеннән кар ишелеп төшкәннән соң идарәче компания директорына карата административ эш ачылган. Бу хакта Татарстан прокуратурасы матбугат хезмәте хәбәр итә.

Гадәттән тыш хәлләр министрлыгы татарстанлыларга буран һәм бозлавык вакытында үтәлергә тиешле иминлек чаралары турында искәртте.

Татарстан Республикасы Дәүләт Советы Рәисе Фәрит Мөхәммәтшин Казан милли тикшеренү техник университеты техник көллияте студентлары белән очрашты. Чара «Персона» проекты кысаларында ТР «Бердәм Россия»гә иҗтимагый ярдәм штабында узды, дип хәбәр итә ТР Дәүләт Советы матбугат хезмәте.

«Геройлар янәшәдә» әдәби конкурсы – рекордлы приз фонды белән төрле дәрәҗәдәге авторлар катнашу мөмкинлеген берләштерүче уникаль проект. Бу хакта «Татарстан» дәүләт телерадиокомпаниясе директоры, язучы һәм журналист Фирдүс Гыймалтдинов белдерде.

Татарстан Республикасы Милли музеенда 10-31 мартта татар милли костюмына һәм аны бүгенге көндә яңача интерпретацияләүгә багышланган «Җеп» экспозициясе эшләячәк. Проектның кураторы — Fashion Iftar оештыручысы, мәдәни кодны өйрәнүче һәм мода өлкәсендә эксперт Җәннәт Минһаҗева.

Max илкүләм мессенджеры Берләшкән Гарәп Әмирлекләрендә чикләүләрсез эшли. Моны ТАСС хәбәрчесе ачыклаган. Россиядән килгән кулланучылар тавыш һәм видео белән шалтырата, языша һәм җирле кәрәзле челтәрләр аша каналларга языла ала.

Имтихан 2027-2028 уку елында кертеләчәк. Аны тапшырганнар гына Төп дәүләт имтиманына (ОГЭ) кертелә ала.

Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин гражданнарны кабул итте. Мөрәҗәгатьләр идарәче компания эшенә һәм транспорт белән тәэмин итүгә кагылды, дип хәбәр итә ТР Дәүләт Советы матбугат хезмәте.

Бүген Татарстанның хезмәт, халыкны эш белән тәэмин итү һәм социаль яклау министры Эльмира Зарипова Казанның М.Н. Садыйков исемендәге 7нче шәһәр хастаханәсендә махсус хәрби операциядә катнашучылар белән очрашты. Иң элек, ул клиникада дәваланучыларга хәрби операциядә катнашучылар өчен социаль ярдәм чаралары һәм эшкә урнашу өчен мөмкинлекләр турында сөйләде.

Татарстанда язгы ташу чоры ничек узачагы яз ничегрәк килүгә бәйле. «Метео» фаразлау үзәге җитәкчесе Александр Шувалов «Татар-информ»га быел яз башында көтелгән вакыйгаларның ике төрле вариантын атады.

Татарстанда мәгариф һәм социаль учреждениеләр хезмәткәрләре өчен махсус мобиль кушымта барлыкка килде. Ул гадәттән тыш хәл килеп чыгу турында тиз арада ашыгыч хезмәтләргә сигнал җибәрергә мөмкинлек бирә. Республиканың Цифрлы үсеш министрлыгы матбугат хезмәтендә хәбәр итүләренчә, сервис фаҗига очракларын булдырмый калу һәм персоналның гамәлләрен координацияләү өчен булдырылган.

Казанда 55нче номерлы автобус тиеш булмаган җиргә куеп калдырылган автомобиль аркасында юл-транспорт һәлакәтенә эләккән, дип хәбәр иттеләр шәһәр Транспорт комитетында.

Казанда Зур Крыловка урамында транспорт урнаштыру өчен 81 өстәмә урын оештырылды. Бу хакта шәһәр мэриясенең матбугат үзәге хәбәр итә.

Татарстанда кар катламы гадәттә 9-20 апрельдә эреп бетә. Әмма барысы да язгы процессларның үсеш характерына бәйле. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.

Хезмәткәр түләнә торган ялның 28 көнен дә бер ел эчендә алып бетермәскә хокуклы — бу аның хокукы, ә бурычы түгел. Бу хакта РФ Иҗтимагый палатасының закон проектларына иҗтимагый экспертиза комиссиясе әгъзасы Евгений Машаров хәбәр итте, дип яза ТАСС.

Росстандарт Россиядә 2026 елның 1 апреленнән гамәлгә керәчәк бодай оныннан ак икмәккә яңартылган дәүләтара стандартны раслады. Бу хакта ведомство сайтында хәбәр ителә.

Россия мәктәпләрендә 2027/2028 уку елыннан 9 сыйныф укучылары өчен телдән тарих буенча имтихан кертеләчәк, дип хәбәр итте мәгариф министры Сергей Кравцов.

Март башында Татарстанга язгы җылы килде, температура нормадан 3-5 градуска артып китте. Әмма бу атна уртасыннан һава торышы арктик антициклон килү аркасында кискен үзгәрәчәк, аның салкын үзәге хәзер Ямал һәм Уралның төньягында урнашкан. Бу хакта «Татар-информ»га «Метео» фаразлау үзәге җитәкчесе Александр Шувалов хәбәр итте.

Татарстанда республика әйдаман мәктәбе ачылды. Аны «Җәй» республика үзәге һәм «Беренчеләр хәрәкәте» төбәк бүлеге оештырган, дип хәбәр итә ТР Яшьләр министрлыгы матбугат хезмәте.

2026 ел ахырына Казан агломерациясендә тизйөрешле автобуслар хәрәкәтен оештырырга планлаштыралар, алар бүлеп бирелгән полосалар буенча хәрәкәт итәчәк. Проект республика башкаласының төп магистральләрен, шул исәптән Мамадыш, Оренбург һәм Себер трактларын, шулай ук Горький шоссесын үз эченә алачак. Тиешле боерыкка Татарстан Премьер-министры Алексей Песошин кул куйды.

Казан халыкара аэропортына Берләшкән Гарәп Әмирлекләренең һава киңлегендә чикләүләр кертелгәннән соң Дубайдан беренче самолет килде. Онлайн-табло мәгълүматларына караганда, лайнер Татарстан башкаласына Мәскәү вакыты белән 4:09 да төште.

Казан III Бөтенроссия «Туристлык шәһәрләре» премиясе финалының ике номинациясендә җиңүче дип танылды. Татарстан башкаласы «Төбәк әһәмиятендәге вакыйгалы туризм шәһәре» һәм «Парк туризмы һәм мәгънәви киңлекләр шәһәре» юнәлешләрендә бүләккә ия булды. Премия финалы февраль ахырында Касыйм шәһәрендә узган. Бу хакта Казан мэриясе матбугат хезмәте хәбәр итә.

Шимбә көнне, 7 мартта, Юдино бистәсендәге «Локомотив» стадионында 59 нчы Казан чаңгы марафоны узачак. 5, 30 һәм 50 км аралыкларга бөтен илдән 600 дән артык спортчы чыгачак. Быел беренче мәртәбә БРИКС+ муниципалитетлары ассоциацияләре катнашучылары арасында узышу булачак. Бу хакта аппарат киңәшмәсендә Физик культура һәм спорт комитеты рәисе Линар Гарипов хәбәр итте.

Россиянең Европа территориясенең күпчелек өлеше, шул исәптән Татарстан да, төньяк атлантик циклон йогынтысында калды. Мондый синоптик хәл төбәккә җылы һәм дымлы һава китерә. Урыны белән катнаш төрдәге явым-төшемнәр күзәтелә, ә температура климат нормасыннан 4-6 градуска югарырак, дип хәбәр итте ТР Гидрометеорология үзәге.

Музыкант Артур Mauzer сүзләренчә, Әмирлекләрне күпләр куркынычсызлык үрнәге дип кабул итсә дә, соңгы вакыйгалар инвесторларны куркытырга һәм ил икътисадына тискәре йогынты ясарга мөмкин.