Новости за 02.03.2026

Узган атнада Татарстан юлларында 30 юл-транспорт һәлакәте булган. Республика Дәүләт автоинспекциясе мәгълүматы нигезендә, 23 февральдән 1 мартка кадәр булган аварияләр нәтиҗәсендә биш кеше һәлак булган.

1 мартта Татарстан Республикасының Азәрбайҗан Республикасындагы даими вәкиллегендә Бөтендөнья татар милли ашлары көненә багышланган мәдәни чара узган.

Татарстанның беренче Президенты, республиканың Дәүләт Киңәшчесе Минтимер Шәймиев ТР Рәисе Рөстәм Миңнехановны туган көне белән котлады. Бу хакта Татарстан Республикасы Рәисе матбугат хезмәте җитәкчесе Лилия Галимованың телеграм-каналында хәбәр ителә.

Чираттагы эшлекле дүшәмбедә Түбән Кама районы башлыгы Радмир Беляев шәһәрнең оператив хезмәтләренең Татарстанда беренче тапкыр кертелгән «Ракета һөҗүме куркынычы» режимы шартларында башкарган гамәлләрен бәяләде.

Татарстан Рәисе Рөстәм Миңнеханов Россия Кулланучылар кооперациясе системасының 195 еллыгына багышланган пленар утырышта катнашты. Чара Биектау районының Чыршы авылында узды, дип хәбәр итә республика башлыгының матбугат хезмәте.

Чаллыда Тынычлык проспектында юл-транспорт һәлакәте булган.

Шәһәр дәүләт автоинспекциясе мәгълүматлары нигезендә, 22 яшьлек «Лада Гранта» йөртүчесе 74 яшьлек ир-атны бәрдергән. Өлкән яшьтәге ир-ат тротуардан түгел, ә машиналар юлыннан барган.

Пенсионер ашыгыч ярдәм табиблары килеп җиткәнче үлгән. Ир-атның туганнары әйтүенчә, ул деменция белән авырган булган.

Фото: Чаллы Дәүләт автоинспекциясе

Әлмәт районы башлыгы Гүзәл Хәбетдинова биналарның түбәләрен кар һәм боздан чистартуны контрольдә тотуны көчәйтергә кушты. Бу хакта ул бүген киңәйтелгән пленар киңәшмәдә белдерде.

40 яшьлек пациент Р.С.Акчурин исемендәге Ашыгыч ярдәм хастаханәсенә холедохолитиаз диагнозы белән китерелгән булган. Бу хакта клиниканың социаль челтәрдәге каналында https://t.me/bsmp_nabchelny хәбәр ителә.

Узган ел Казанның Вахитов һәм Идел буе районнарында уртача хезмәт хакы 19 процентка арткан һәм аена 103 мең сум тәшкил иткән. Бу хакта эшлекле дүшәмбедә районнар башлыгы Альберт Салихов хәбәр итте.

Төмәндә «Себер йолдызы – Татар егете» бәйгесенең сайлап алу туры узды. Жюри финалга үткән 14 катнашучыны билгеләде. Бәйгенең финалы 11 апрельдә Тимерьюлчылар мәдәният сарае сәхнәсендә узачак. Быел оештыру комитеты Себер федераль округының 6 шәһәреннән якынча 50 гариза кабул итте. Төмән һәм Төмән өлкәсе бистәләреннән тыш, кастингта Тубыл, Ялутор, Новосибирск, Красноярск, Сургут шәһәрләреннән яшьләр катнашты. Кайберләре бәйгегә гаризаны беренче тапкыр гына түгел, кабаттан җибәрде, дип хәбәр итә оештыручылар. Читать дальше...

Республика территориясендә кар күп яву һәм һава торышы җылыну сәбәпле, биналар һәм корылмалар түбәләреннән кар һәм боз төшү ихтималы бар. Шул сәбәпле ТР Гадәттән тыш хәлләр министрлыгы татарстанлыларга урамда бик игътибарлы һәм сак булырга кирәклеген искә төшерә. Боз сөңгеләреннән ераграк торырга, шулай ук йортларның түбәләре астында һәм биналар янында автомобильләрне калдырмаска киңәш итәләр.

Татарстаннан якынча 3 мең турист Якын Көнчыгыш территориясендәге һава киңлегенең ябылуы аркасында Берләшкән Гарәп Әмирлекләрендә тоткарланырга мөмкин. ТР Туристлык агентлыклары ассоциациясе президенты Рамил Мифтахов «Татар-информ»га шул хакта хәбәр итте.

Төркиянең Анталия шәһәрендә «Илһам» төрки-татар сәнгать төркеме каршында оешкан балалар вокаль ансамбле 24 майда Сабан туенда катнашырга ниятли.

Республикакүләм «Татар кызы 2026» бәйгесенең дирекция төркеме чираттагы эшлекле утырышын үткәрде. Киңәшмә барышында көтеп алынган финал тамашасының концептуаль юнәлешләре билгеләнде, оештыру-иҗади мәсьәләләр каралды һәм әзерлек эшләренең гамәли этабына старт бирелде. Бу хакта Бөтендөнья татар конгрессы матбугат хезмәте хәбәр итә.

Питрәч авылында Җиңүнең 65 еллыгы урамындагы күп фатирлы йортның түбәсе өлешчә җимерелеп төшкән. Сәбәбе - кар күп җыелу.

Чаллы мэриясендә узган аппарат киңәшмәсендә махсус хәрби операция үткәрү белән бәйле гуманитар һәм ирекле эшчәнлек өчен бүләкләр тапшыру тантанасы булды. Бүләкләрне шәһәр мэры Наил Мәһдиев тапшырды.

Россиядә ата-аналар балага чит ил паспортының ике төренең берсен рәсмиләштерә ала, әмма иске үрнәктәге документны сайлау уңайлырак. Бу хакта Дәүләт Думасының туризм буенча комитеты башлыгы Сангаджи Тарбаев хәбәр итте, дип яза «ТАСС».

Март башында Россия халкы өч көн рәттән ял итәчәк. Бу Халыкара хатын-кызлар көненең якшәмбегә туры килүе белән бәйле, ә ял көне дүшәмбегә, 9 мартка күчерелә. Бу хакта Президент академиясе эксперты Татьяна Подольская хәбәр итте, дип яза «РИА Новости».

Казанда полиция хезмәткәрләре кечкенә кызын «ходунки»га утыртып сәүдә үзәге култыксасына бәйләп куйган әти кешене җаваплылыкка тарткан. Элегрәк социаль челтәрләрдә чыккан видеоязмада баланың берүзе, өлкәннәр каравыннан башка булуы күренә.

Татарстан Премьер-министры урынбасары Ләйлә Фазлыева республика халкын Остазлар көне белән котлады.

Төркиядә туып үскән милләттәшебез, танылган рәссам Гүнәш Теркол татарларының мөһаҗирлек язмышына кагылышлы үзенчәлекле күргәзмә тәкъдим итә. Аны «Татар-информ»ның Төркиядәге хәбәрчесе махсус барып күрде.

Татарстан буенча Роспотребнадзор идарәсе экспертлары искәрткәнчә, котыру чире үлемгә китерүче авыру булып кала, аннан дәвалау ысулы юк. Саклануның бердәнбер ысулы – вакытында вакцинация.

3 мартта Татарстан Республикасы Дәүләт сынлы сәнгать музее Заманча сәнгать галереясендә Казан рәссамы Илгиз Гыймрановның «Югары офык» күргәзмәсен ачу тантанасы була. Экспозиция соңгы еллардагы проектлардан 70тән артык эшне берләштерәчәк: «Хрущевочек»тан алып «Яссы җирләр хроникасы» картиналарының яңа сериясенә кадәр, дип хәбәр итә Татарстан Республикасы Дәүләт сынлы сәнгать музее Заманча сәнгать галереясе матбугат хезмәте.

Саба урта мәктәбендә «Мәдәни мирас» район бәйгесенең финалы булды. Призлы урыннар өчен сайлап алу этабыннан үткән Саба гимназиясе, Олы Шыңар, Килдебәк урта, Мичән, Шекше төп мәктәбе укучылары сәхнә тотты, дип хәбәр итә Бөтендөнья татар конгрессы матбугат хезмәте.

2025 елда республикада шәхси торак төзелеше өлеше 68 процентка җитте. Ихтыяҗ артыннан сыйфат стандартлары да үзгәрә - Татарстан халкы заманча материаллар һәм уйланылган дизайн-проектларны ешрак сайлый башлаган.