Новости за 27.01.2026

2026 ел башыннан Татарстанда сөрем газы белән агуланудан үлүчеләр саны сизелерлек арткан: сигез кеше һәлак булган. Бу хакта ТР Министрлар Кабинетында узган брифингта «Газпром трансгаз Казан» компаниясе генераль директорының җитештерү буенча урынбасары Рәмис Сәләхов хәбәр итте.

ПАСЕда Русия демократик көчләре платформасында төп халыклар һәм милли азчылыклар өчен каралган квота кысаларында ни өчен Идел буе халыклары вәкилләре урын алмавы турында аңлатма сорап юлланган мөрәҗәгатькә шулай җавап бирделәр.

Татарстан Дәүләт автоинспекциясе, буран якынлашу сәбәпле, шәхси автомобильдә йөрүдән баш тартырга, шулай ук торак пунктлардан читкә чыкмаска киңәш итте.

24-25 гыйнвар көннәрендә Томскида Себер һәм Ерак Көнчыгыш федераль округларының көрәш буенча төбәкара ярышлары узды. Ярышлар Томск өлкәсенең милиция полковнигы Юрий Сәйфелмөлеков истәлегенә багышланды. Бу хакта Россия Көрәш федерациясе матбугат хезмәте хәбәр итә.

Мәскәүдә көчле кар яву сәбәпле, Татарстаннан Шереметьево аэропортына очучы рейслар тоткарлана.

Чистай шәhәренең Ислам үзәгендә «Камалия» ял итү hәм үсеш үзәге, мөхтәсибәт, Бөтендөнья татар конгрессының җирле оешмасы hәм «Ак калфак» татар хатын-кызлар иҗтимагый оешмасы белән берлектә Татарстан Республикасы Рәисе теләктәшлеге нигезендә, «Күрше» проекты кысаларында «Коймак» фестивале уздырылды. Бу хакта Бөтендөнья татар конгрессы хәбәр итә.

АКШта кар һәм салкыннар кимендә өч дистә кешенең үлеменә сәбәпче булган. Бу хакта Associated Press агентлыгына сылтама белән ТАСС яза.

Татарстан Премьер-министры Алексей Песошин Татарстан Республикасы Хөкүмәте һәм шәхсән үз исеменнән республика халкын, аеруча Бөек Ватан сугышы ветераннарын, совет гаскәрләренең Ленинградны немец-фашист блокадасыннан тулысынча азат итүенең 82 еллыгы белән котлады.

2027 елда Россиядә яшәүчеләр картлык буенча пенсиягә чыкмаячак, чөнки аңа пенсия яшен арттыруның күчеш чоры туры киләчәк. Бу хакта икътисади аналитик Денис Миролюбов сөйләде, дип яза «Абзац» басмасы.

«Озын һәм актив тормыш» илкүләм проектының «Онкология авыруларына каршы көрәш» федераль проекты буенча 2026 елдан Татарстанда онкология авыруларын радиологик дәвалау өчен җиһазлар яңартыла башлаячак. Моның өчен 288, 2 миллион сум акча бүлеп бирелгән.

РФ Сәламәтлек саклау министрлыгы өлкәннәр өчен гриппны диагностикалау һәм дәвалауның яңа тәртибен раслады. Бу хакта РИА Новости хәбәр итә.

Россия гаскәрләре барлык юнәлешләрдә дә һөҗүм итүләрен дәвам итә. Бу хакта РФ Хәрби көчләренең Генераль штабы башлыгы армия генералы Валерий Герасимов белдерде, дип хәбәр итә Россия Саклану министрлыгы матбугат хезмәте.

1 февральдән «Герой-ана» мактаулы исеменә лаек булган хатын-кызларга, шулай ук Хезмәт Герое исеменә ия затларга акчалата түләүләр күләме 5,6 прцентка индексацияләнәчәк. Әлеге категориягә керүче гражданнар күпме акча алачак – «Татар-информ» материалында.

Дәүләт Думасы вице-спикеры Борис Чернышов кайбер категория гражданнарга түләүле юллар буенча ташламалы йөрү хокукы кертергә тәкъдим итте. Сүз пенсионерлар, инвалидлар, күп балалы гаиләләр, шулай ук махсус хәрби операциядә катнашучылар һәм аларның гаилә әгъзалары турында бара. Бу хакта ул «РИА Новости» белән әңгәмәдә белдергән.

Казанның Галиәсгар Камал исемендәге академия театрында XXVIII республикакүләм «Мисс Татарстан – 2026» матурлык конкурсы узды. Быел әлеге титулга Түбән Кама шәһәреннән Амира Шәрипова лаек булды.

«Всевышний дал нам ребенка как аманат»

– Рустам хазрат, какие процедуры необходимо провести родителям после рождения ребенка?

– Это большое благо, когда Всевышний Аллах дает детей. Порой очень часто мы сталкиваемся с тем, что многие семьи живут уже несколько лет и не могут завести детей. Они приходят сюда, мы читаем за них, просим у Создателя, поэтому я всегда молюсь, чтобы в каждой семье были дети. Рождение ребенка – событие очень грандиозное, новый член общества в нашей семье, долгожданный ребенок. Читать дальше...

Имам шәригать буенча балаларга нинди исемнәр кушарга рөхсәт ителүе турында сөйләде.

Татарстанда бүген болытлы һава көтелә, дип хәбәр иттеләр ТР Гидрометеоүзәгендә.

Әлки район мәдәният йорты фойесында Балалар иҗаты йорты белгече Роза Арсланованың рәсемнәре урын алган күргәзмә эшли башлады. Бу хакта «Әлки хәбәрләре» газетасы яза.

Алабуганың «Йолдызлык» мәдәни үсеш үзәгендә «Кояшлы түгәрәк» («Солнечный круг») хәйрия акциясе узды. Чараны Россиядә эшләп килүче «Ночные волки» һәм «Ночные валькирии» мотоклубларының Алабугадагы бүлекчәләре оештырды, дип яза «Алабуга нуры» газетасы.

Бөгелмә китапханәсендә Россия халыклары бердәмлеге елын ачу тантанасы үткәрелде. Бу хакта «Бугульминская газета» сайты хәбәр итә.

Апас районында «Балкыш» өлкән яшьтәге үзешчән башкаручылар республика фестиваленең муниципаль этабы башлана. Бу хакта «Апас-информ» сайты хәбәр итә.