Новости за 23.01.2026

«Татнефть» биологик төрлелекне саклау буенча илнең 20 нефть-газ предприятиесе арасында икенче урын яулаган. Рейтингны «Табигать һәм кешеләр» фонды экспертлары компанияләрнең табигать экосистемаларын саклауга керткән өлешен исәпкә алып төзегән.

Бүген Татарстанга Россия икътисади үсеш министры Максим Решетников һәм Россия сәнәгать һәм сәүдә министры Антон Алиханов килде. «Татар-информ»га мәгълүматны Татарстан Сәнәгать һәм сәүдә министрлыгы матбугат хезмәтендә расладылар.

Бүген Казанның Яңа Савин районы суды «Кот и пес» приюты җитәкчесе Альберт Галиевның һәм этләрне аулау белән шөгыльләнүче хезмәткәре Максим Ивановның өй аресты срогын озайтты.

Дәүләт Думасы депутаты Сергей Миронов югары уку йортларын кызыл диплом белән тәмамлаучылар өчен алган белгечлек буенча эшкә урнашканнан соң беренче өч ел дәвамында күрсәтелә торган федераль ярдәм чарасы кертү инициативасы белән чыгыш ясады. Бу хакта мөрәҗәгатен ул Россия премьер-министры Михаил Мишустинга юллаган, дип хәбәр итә «ТАСС».

Татарстанның барлык белем бирү оешмалары MAX илкүләм мессенджерына күчеп беткән. Республикада платформадан файдаланучылар саны 500 мең кешедән арткан. Бу хакта ТР мәгариф һәм фән министры Илсур Һадиуллин хәбәр иткән. Аның сүзләрен «ТАСС» китерә.

Узган елда Казанда 390 мең 377 кеше диспансеризация үткән. Бу 2024 елның шул ук чоры белән чагыштырганда 31,3 процентка күбрәк. Медицина тикшерүе үткән гражданнарның иң күп саны 40 яшьтән 54 яшькә кадәрге, шулай ук 64 яшьтән 74 яшькә кадәрге яшь төркемнәрендә булган. Бу хакта шәһәрнең сәламәтлек саклау идарәсе матбугат хезмәте хәбәр итте, дип яза Казан мэриясе.

3 километрдан артык озынлыктагы боз трассасы Казаннан Югары Осланга кадәр юлны 62 километрга кыскарта. Иделдәге боз буйлап беренче җиңел машиналар кузгалды.

Түбән Камада «Игелекле йөрәкләр» волонтерлар төркеме «Адымнар» мәктәбенең өченче сыйныф укучыларына коры душ ясау буенча мастер-класс үткәргән. Укучылар бер дәрес дәвамында махсус хәрби операциядә катнашучыларга җибәрү өчен 300гә якын комплект коры душ ясаган.

Росгвардиянең Казан полкы строй плацында яңа хәрби хезмәткә алынучылар тантаналы рәвештә хәрби ант кабул итте.

Дәүләт Думасы вице-спикеры Борис Чернышов законда хезмәткәрләргә бик салкын көннәрдә вакытлыча дистанцион эш форматына күчү хокукын ныгыту инициативасы белән чыгышясады. Мөрәҗәгать хезмәт һәм социаль яклау министры Антон Котяковка юлланган. Бу хакта РИА Новости хәбәр итте.

Бүген, 23 гыйнварда, Татарстан башкаласында Пушкин, Театр һәм Карл Маркс урамнары участокларында транспорт хәрәкәтен вакытлыча чикләячәкләр. Бу хакта шәһәр башкарма комитеты карарыннан билгеле булды, дип яза Казан мэриясе.

Татарстан Сәламәтлек саклау министрлыгында быелдан диспансеризация узу процедурасына берничә үзгәреш кертелү турында сөйләделәр.

«Апуш» татар балалар театр студиясенең «Московский» мәдәният үзәгендә шөгыльләнүче төркеме Г.Кариев исемендәге Казан татар дәүләт яшь тамашачы театры бинасында бөек шагыйребез Габдулла Тукайның 140 еллыгы уңаеннан «Тукай. Ярлыкагыл» спектаклен тәкъдим итте. Премьера Тукай елына старт бирде.

«Если есть возможность не выходить на улицу, лучше находиться дома»

В конце этой недели температура в Татарстане упадет ниже –30 градусов. О том, какую опасность несут морозы для разных систем нашего организма, «Татар-информу» рассказали республиканские медики.

«Когда сильно понижается температура воздуха, повышается атмосферное давление. В этом случае рискуют в первую очередь те, кто страдает гипертонической болезнью. Во время морозов должны быть осторожны и те, у кого диагностирована ишемическая болезнь сердца. Читать дальше...

Табиблар хроник авырулары булган кешеләргә салкыннарны ничек кичерергә кирәклеген аңлатты.

Бүген, 23 гыйнварда, Татар әдәбияты тарихы музее һәм Шәриф Камалның мемориаль фатирында (Татар китабы йорты) «Такташның беренче китабы» камера күргәзмәсе ачыла. Экспозиция 30 апрельгә кадәр эшләячәк. Ул татар әдәбияты классигы Һади Такташның 125 еллыгына багышланган. Проект яшь авторның әдәби процесска һәм милли шигърият тарихына ничек килеп керүе турында сөйли. Бу хакта Татарстан Милли музее матбугат хезмәте хәбәр итте.

Бүген, 23 гыйнварда, Татарстанда алмашынучан болытлы һава торышы көтелә. Сизелерлек явым-төшем фаразланмый. Бу хакта ТР Гидрометеорология үзәге хәбәр итте.

Яңа Чишмә муниципаль районы башкарма комитеты җитәкчесе карары нигезендә район башкарма комитетының мәдәният бүлеге җитәкчесе вазыйфасына Олег Витальевич Кузнецов билгеләнде. Бу хакта «Туган як» сайты яза.

Бүген «Алтын туп» универсал спорт залында ветеран командалары (40+) арасында Илмир Рушан улы Вәлимөхәммәтов истәлегенә багышланган мини-футбол буенча турнир үткәрелде. Ярышлар сигез команда (»Администрация» (Саба), «Саба-Цинк», «СтарКо» (Саба), «Теләче» (Теләче), «Мечта» (Нократ Аланы), «Шәмәрдән»,»Икшермә», «Олыяз») осталыкта һәм җитезлектә көч сынашты. Бу хакта «Саба таңнары» яза.

Сарманның «Шәфкать» халыкка социаль хезмәт күрсәтү үзәгендә дәваланучы, ял итүче өлкәннәребезне Татарстан Республикасының атказанган мәдәният хезмәткәре Нәвия Гатиятуллина җитәкчелегендәге Җәлил мәдәният сарае каршында эшләп килүче «Дуслык» фольклор ансамбле зур концерт программасы белән шатландырды. Бу хакта «Сарман» сайты яза.

Жителей и гостей Альметьевска приглашают окунуться в атмосферу древних традиций, уюта и семейного тепла. 24 января в 16:00 в сквере «Яшьлек» состоится этнопраздник «Нардуган», организованный в рамках республиканского фестиваля «Курше».

Әлмәт халкын һәм кунакларын борынгы гореф-гадәтләр, гаилә атмосферасына чумарга чакыралар. 24 гыйнварда 16:00 сәгатьтә «Яшьлек» скверында «Күрше» республика фестивале кысаларында оештырылган «Нардуган» милли бәйрәме була.