Новости за 28.09.2020

(Чирмешән, 28 сентябрь, «Татар-информ», «Безнең Чирмешән », Кадыйр Гомәров). Чирмешән районы оешуга 90 ел тулуны элеккегедән үзгә форматта, ачык һавада билгеләп үттеләр. Чирмешәннең Яшьләр мәйданчыгында 26 сентябрь көнне бер чара икенчесен алмаштырып кына торды. Яшьләр мәйданчыгында янәшә урнашкан милли өйчекләр дә үзенә ымсындырып тора. Һәркайсында милли ризыклар урын алган. Татар өйчегендә бавырсак, җәймә, гөбәдия, кош теле, эчпочмак ише тәмле ашамлыклар тәкъдим итсәләр, рус өйчегендә тавык бәлеше... Читать дальше...

(Казан, 28 сентябрь, «Татар-информ»). 29 сентябрьдә 10:00 сәгатьтә «Агрополия» онлайн мәктәбе кысаларында икенче дәрестә «Лин Вектор» компанияләр төркемен үстерү директор Наталья Чупина һәм тренер-консультант Виктор Сорокин авыл хуҗалыгы тармагындагы үзгәрешләрне гамәлгә ашыруның гамәли кейслары һәм сакчыл җитештерү элементлары буенча курс үткәрә. Бу турыда Татарстан Авыл хуҗалыгы һәм азык-төлек министрлыгы хәбәр итте. Семинарда Сакчыл җитештерү концепциясе, кыйммәтләр һәм югалтулар төшенчәләре,... Читать дальше...

(Казан, 28 сентябрь, «Татар-информ»). 26 сентябрьдә Сызрань шәһәренең «Ак калфак» хатын-кызлар җәмгыяте һәм Сызрань китапханәсенең 18нче филиалы «Татарча диктант» акциясен оештырган. Биредә үк «Татар исемле халык бар» дигән күргәзмә дә булган. Бу турыда Самара татарлары сайты хәбәр итте. Диктант текстын «Ак калфак» хатын-кызлар җәмгыяте җитәкчесе Гөлнара Гөлнара Дәүләтшина укыган. «Татар исемле халык бар» дигән күргәзмәне Гөлсем Салихова оештырган. Анда милли ризыклар, киемнәр, матбугат чаралары, китаплар урнаштырылган. Читать дальше...

(Казан, 28 сентябрь, «Татар-информ»). Татарстаннан өч катнашучы «Россия лидерлары. Сәясәт» конкурсы финалына чыкты. Бу хакта республиканың Дәүләт гражданлык һәм муниципаль хезмәтенең матбугат хезмәте хәбәр итә. «Алар барысы да Татарстан Республикасы Президентының кадрлар резервында төрле еллар катнашучылар», — дип сөйләделәр матбугат хезмәтендә. Финалда Татарстанның Әгерҗе районы җитәкчесе Азат Вәлиев, «Бердәм Россия» Бөтенроссия сәяси партиясенең Кадрлар сәясәте идарәсе җитәкчесе урынбасары Илнар Гыйрфанов... Читать дальше...

(Казан, 28 сентябрь, «Татар-информ», Полина Шевчук). 27 сентябрьдә кичке якта Казанның Рихард Зорге урамында юл һәлакәте була. Авария вакытында җәяүле ир-ат үлә. Бу турыда «Татар-информ» агентлыгына фаҗиганең шаһитлары хәбәр итте. Авария кичке җиделәр тирәсендә була. Ир-ат ярамаган урында юл аша чыгарга маташа. Шул чакта аны «Опель» җиңел машинасы бәрдереп китә.  «Карап торышка бу ир-атка 70-75 яшь. Ул юлның бер полосасы аша чыгарга өлгерде, икенчесен чыгып җитә алмады. Иномаркага бәрелгәч, аның аягы өзелде. Читать дальше...

(Казан, 28 сентябрь, «Татар-информ»). Көндәшлеккә сәләтле бизнес мохитен үстерү буенча Россия законнарын АКШның зур IT-компанияләре тупас боза. Бу турыда Россия Федерациясенең Монополиягә каршы федераль хезмәт (ФАС) башлыгы Игорь Артемьев Россия Президенты Владимир Путин белән очрашуда сөйләде. «Соңгы елларда без Google, Apple, Microsoft белән зур эшләр башкардык. Алар мөмкин булган бар нәрсәне бозалар, белә торып бозалар. Google мисалында, мәсәлән, суд Россия Федерациясе файдасына берничә карар кабул итте... Читать дальше...

(Казан, 28 сентябрь, «Татар-информ»). Түбән Новгород өлкәсе Пильна районы Петрякс авылында мәчет ачылуының 30 еллыгын билгеләп үттеләр. Мәчеткә ярым айны 1990 елның 1 сентябрендә күтәрәләр. Бу турыда Бөтендөнья татар конгрессының матбугат хезмәте хәбәр итте. «Узган гасырның 80 нче еллар ахырында илдә үзгәртеп кору чорында динебезгә иреклек бирелгәч, төбәгебезнең татар авылларында мәчетләр төзелә башлый, Петрякста беренчеләрдән булып дини йорт бастырыла. Аны төзетүдә авыл халкы зур ярдәм күрсәтә,... Читать дальше...

Соңгы томнар каралса да, мәхкәмә эше әле тәмамланмады, киләсе утырышлар октябрьгә билгеләнде.

(Казан, 28 август, «Татар-информ»). Санкт-Петербург Император фарфор заводында ТАССРның 100 еллыгына татар чәй сервизы коллекциясен ясаганнар. «Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллин YouTube челтәрендә үзенең «Яңа Тартария» каналында шул турыда сөйләде. «Танылган Казан башлыгы кебек гөмбәз һәм бер үк вакытта касә формасы сакланган. Орнамент — Казан татарларының классик бизәкләре, лаләләр, алтын һәм көмештән бизәкләр», — дип сөйли Эдуард Хәйруллин. Читать дальше...

(Казан, 28 сентябрь, «Татар-информ»). Коронавируска каршы көрәш дәвам итә, уяулыкны югалтырга ярамый, киресенчә, үзең өчен һәм янәшәдә булганнарның барысы өчен дә максималь җаваплылык күрсәтергә кирәк. Россия Президенты Владимир Путин Дәүләт Советы президиумының киңәйтелгән утырышы барышында шул хакта әйтте. Бу турыда РИА Новости хәбәр итә. «Эпидемия белән көрәш әле тәмамланмаган, ул дәвам итә. Иркенәергә, уяулыкны югалтырга ярамый. Һәм хәзер мин тагын бер тапкыр барлык гражданнарыбызга мөрәҗәгать итәргә телим. Читать дальше...

(Казан, 28 сентябрь, «Татар-информ»). 1 октябрьдә Чиләбедә Воровский урамындагы яңа скверда күренекле татар шагыйре, публицист, җәмәгать эшлеклесе Габдулла Тукайга һәйкәл ачылачак. Бу турыда Бөтендөнья татар конгрессының матбугат хезмәте хәбәр итә. «Чарада Татарстан Президенты Рөстәм Миңнеханов һәм Татарстан Премьер-министры урынбасары, Бөтендөнья татар конгрессы Милли шурасы рәисе Васил Шәйхразиевның катнашуы көтелә», диелә бу хәбәрдә. Һәйкәлне урнаштыру турында халык арасында сораштыру уздырганнар. Читать дальше...

(Казан, 28 сентябрь, «Татар-информ»). Соңгы дүрт елда беренче тапкыр евро курсы 92 сумнан артты. Бу турыда «Известия» хәбәр итте. Мәскәү биржасында сәүдә вакытында 16.20 сәгатьтә евро бәясе 92,02 сум булды. Моңа кадәр 21 сентябрьдә евро бәясе 91 сумга җитеп, рекорд куелган иде.

(Казан, 28 сентябрь, «Татар-информ»). Россия эшмәкәре Алишер Усманов, Болгар ислам академиясенең попечительләр советы әгъзасы буларак, оешмага Европада төрле елларда нәшер ителгән ислам тематикасындагы китапларының уникаль коллекциясен бүләк итте. Бу хакта Татарстанның Россиядәге Тулы вәкаләтле вәкиллегенең матбугат хезмәте хәбәр итә. Махсус җыелган коллекциядә 750 китап бар. Алар XV гасырдан XX гасырга кадәр Европаның Гданьск, Аугсбург, Киль, Амстердам, Венеция, Бордо, Оксфорд, Лондон, Дублин... Читать дальше...

(Казан, 28 сентябрь, «Татар-информ», Полина Шевчук). Татарстанда бензовоз һәм чит ил машинасы катнашындагы юл-транспорт һәлакәтендә йөкле хатын-кыз зыян күргән. Бу хакта «Татар-информ» агентлыгына һәлакәт шаһитлары сөйләде. Шаһитлар сүзләренчә, фаҗига бүген, 17.00 сәгатьтән соң Чаллы-Түбән Кама автоюлында булган. «Скания» бензовозы белән «Сузуки» кроссоверы кара-каршы бәрелешкән. Бәрелешкәннән соң, йөк машинасы юл кырыена төшеп киткән, ә чит ил машинасы юл кырыена чыккан. «Һәлакәттә „Сузуки“... Читать дальше...

"Яңа татар җыры" бәйгесен оештыручы Рифат Фәттахов бу дөрес түгел, "татар җыры", "татар теле", "татар халкы" кебек сүзтезмәләр бер генә ширкәтнеке була алмый дип саный.

(Казан, 28 сентябрь, «Татар-информ»). Санкт-Петербургта Рәхим Теләшевның «Нева ярындагы татарлар» яңа китабы тәкъдим ителде. Чара ТАССРның 100 еллыгына багышланган «Санкт-Петербургта һәм Ленинград өлкәсендә Татар мәдәнияте көннәре» фестивале кысаларында узды. Бу хакта Татарстанның Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә. Ул «Алтын Урда: полемик истәлекләр», «Һиндлардан һәм һуннардан алып Алтын Урдага кадәр», «Санкт-Петербургтагы татар җәмгыяте. Шәһәрнең 300 еллыгына»... Читать дальше...

(Казан, 28 сентябрь, «Татар-информ»). Иртәгә Татарстан территориясендә томан һәм кырау төшәргә мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә. Төнлә һәм иртән һава температурасының -2 градуска төшүе ихтимал. «Моннан тыш, бу вакытта урыны белән томан төшәргә мөмкин», — диделәр матбугат хезмәтендә. Шулай ук Казанда да томан төшүе көтелә.

(Казан, 28 сентябрь, «Татар-информ», «Сөембикә» , Эльмира Закирова). Чәйдән башка тормышыбызны күз алдына да китереп булмый, шулай бит? Ләкин чәй эчүнең дә үз кагыйдәләре бар икән. Чәйне пешергәч үк, ягъни суга төрле матдәләр бүленеп чыга башлаганчы ук эчәргә кирәген барыгыз да беләдер инде. Нәкъ менә 5–10 минут узуга, чәй яфракларыннан сыеклыкка файдалы матдәләр күчә башлый. Ә 15 минуттан соң чәйдә зарарлы матдәләр барлыкка килә. Чәйдә барлыкка килгән элпә эфир майлары булуын сөйли. Элпәдә органик кушылмалар бар... Читать дальше...

(Казан, 28 сентябрь, «Татар-информ»). Коронавирус инфекциясе пандемиясе сәбәпле, Россиядә әлегә катгый чикләү чаралары кертергә кирәкми. Бу хакта Россия Кулланучы хокукларын яклау буенча күзәтчелек хезмәтенең Үзәк эпидемиология фәнни-тикшеренү институты директорының фәнни эшләр буенча киңәшчесе Виктор Малеевка сылтама белән ТАСС хәбәр итә. «Әлегә яңа катгый чикләүләр кертергә кирәкми, хәзерге вакытта үтәлгән очракта, кабул ителгән чаралар да җитә, дип уйлыйм. Мисал өчен, Мәскәүдә читтән торып эшләү... Читать дальше...

(Казан, 28 сентябрь, «Татар-информ»). Казанда ат спорты буенча Татарстан чемпионаты һәм беренчелеге узачак. Бу хакта республиканың Спорт министрлыгы рәсми порталында хәбәр ителә. Ат чабыш 29 сентябрьдән 1 октябрьгә кадәр, ә конкур буенча 2-4 октябрьдә узачак. Ярышларда 12 яшьлек балалар, үсмерләр, яшүсмерләр, өлкәннәр, шулай ук дүрт, биш, алты һәм җиде яшьлек атларда өлкәннәр катнашачак. Конкур буенча программага 90 см дан 140 см га кадәр биеклектәге тугыз маршрут керә.

Атышта үлгән һәм яраланган хәрбиләрнең туганнары Рамил Шәмсетдинов китергән мораль зыянны шул суммага бәяли

(Казан, 28 сентябрь, «Татар-информ»). Россиядә 5 меңнән артык кеше коронавирустан «Спутник V» вакцинасын ясаткан. Бу турыда Гамалея үзәге директоры Александр Гинцбургка сылтама белән РИА Новости хәбәр итә. «Хәзерге вакытта 5 меңнән артык кешегә „Спутник V“ вакцинасы ясалган», — диде Гинцбург. Аның сүзләренчә, прививка ясатучыларда белешмәдә язылганнан тыш билгеләр күзәтелмәгән.

(Казан, 28 сентябрь, «Татар-информ»). Ел саен үткәрелә торган һәм авыл тематикасына багышланган «Минем җирем — Россия» мәгълүмати-агарту проектларының Бөтенроссия конкурсына йомгаклар ясалды. «Фермерлык һәм кооперация» номинациясендә Татарстаннан «Земля — Землица» газетасы журналисты Владимир Белосков җиңү яулады. Бу турыда Татарстан Авыл хуҗалыгы һәм азык-төлек министрлыгының матбугат хезмәте хәбәр итте. Быел конкурска рекордлы санда — Россиянең 83 төбәгеннән 3056 проект тапшырылган. Катнашучылар саны буенча Ростов өлкәсе лидер булды... Читать дальше...

(Казан, 28 сентябрь, «Татар-информ»). Татарстан Дәүләт Киңәшчесе Минтимер Шәймиев «Адымнар» күптелле белем бирү комплекслары объектларын проектлауга һәм төзүгә багышланган киңәшмә үткәрде. Биредә Лаеш районы җитәкчесе Илдус Зарипов киләчәктә Усад авылында зур торак комплексында күптелле белем бирү комплексы булдырырга тәкъдим итте. Бу хакта Татарстан Президенты матбугат хезмәте хәбәр итә. Илдус Зарипов күптән түгел районда яңа күптелле белем бирә торган балалар бакчасы эшли башлавын искәртте. Илдус... Читать дальше...

(Казан, 28 сентябрь, «Татар-информ»). Татарстанның Спас районындагы Кызыл Бистә авылында 20 яшьлек егет үги әтисен буып үтергән. Бу турыда «Татар-информ» агентлыгына Россия Тикшерү комитетының Татарстан буенча Тикшерү идарәсенең матбугат хезмәтендә хәбәр иттеләр. 26 сентябрь, шимбә иртәсендә, Кызыл Бистәдә яшәүче 38 яшьлек ир-атны кыйналган һәм буып үтерелгән килеш табалар. Җинаятьтә шикләнеп аның 20 яшьлек үги улын тоткарлыйлар. Егет үз гаебен өлешчә таный. Тикшерү версиясе буенча, егет кичке якта туйдан кайта, ул исерек була. Читать дальше...