Новости за 14.09.2020

14 сентябрь иртәсенә сайлау бүлгеләре беркетмәләренең 98,15 проценты эшкәртелгән

(Казан, 14 сентябрь, «Татар-информ»). Кайбер SMS-хәбәрләрне ачып тормыйча гына юк итәргә кирәк. Бу хакта Россия сыйфат системасы агентлыгы матбугат хезмәте белгече Алеся Боровикова сөйләде, дип хәбәр итә «Прайм» агентлыгы. Аның сүзләренчә, SMS ачканчы, һичшиксез, аны җибәрүчегә игътибар итәргә кирәк. Таныш булмаган кешедән килгән яисә адресанты гомуми исем белән күрсәтелгән SMS-хәбәрләрне укып тормыйча гына бетереп ату хәерлерәк. «Әгәр SMSта килеп җитә алмаган MMS-хәбәре турында язылган икән, сылтама буенча күчәргә киңәш ителми. Читать дальше...

(Казан, 14 сентябрь, «Татар-информ»). Кайбыч авылында «Татарстанның иҗтимагый киңлекләрен үстерү» дәүләт программасы ярдәмендә Җиңү паркы төзекләндерелә. Төзелешкә республика бюджетыннан 10 миллион сумнан артык акча бүленгән. Бу хакта «Кайбицкие зори» газетасы яза. Район башкарма комитеты җитәкчесенең төзелеш һәм торак-коммуналь хуҗалык буенча урынбасары Фирдүс Әхмәтов сөйләгәнчә, паркта тротуар, яктырткычлар кую, арт-объектлар һәм Бөек Ватан сугышында катнашучылар исемнәре язылган мемориаль дивар урнаштыру планлаштырыла. Читать дальше...

Серое мрачное небо, гроза, внезапный холодный ливень, забытый зонт и у нурлатцев настроение сразу же падает. Этого уже достаточно, чтобы почувствовать себя плохо, не так ли?

(Казан, 14 сентябрь, «Татар-информ»). Россиянең кайбер төбәкләрендә яңа Covid-19 коронавирусы белән авыручылар санының бераз артуы, аерым алганда, ял итүчеләрнең яллардан кайтуы белән бәйле. Бу хакта РФ Сәламәтлек саклау министры Михаил Мурашко «Россия 1» телеканалында «Вести недели» программасына биргән интервьюсында белдерде. «Без вазгыятьнең шактый тотрыклы булуын күрәбез, әмма россиялеләрнең яллардан кайтуына бәйле рәвештә, кайбер төбәкләр буенча пациентлар санының бераз артуы күзәтелә», — диде Сәламәтлек саклау министрлыгы җитәкчесе. Читать дальше...

(Казан, 14 сентябрь, «Татар-информ»). Россиядә 16 яшьтән җиңел автомобиль белән идарә итүне рөхсәт итәргә тәкъдим иттеләр. Әлеге тәкъдим белән Дәүләт Думасы депутаты Василий Власов Россия Эчке эшләр министрлыгының Юл хәрәкәте иминлеген тәэмин итү буенча Баш идарәсе башлыгы Михаил Черниковка мөрәҗәгать итте. «Россия Федерациясендә җиңел автомобиль белән идарә итү өчен таныклык алу яшен 16 яшькә кадәр киметү өлешендә законнарга үзгәрешләр кертү мөмкинлеген каравыгызны сорыйм», — диелә мөрәҗәгатьтә. Читать дальше...

(Казан, 14 сентябрь, «Татар-информ», Рузилә Мөхәммәтова). Сайлаулар көне уңаеннан оештырылган «Мин тавыш бирдем» концерты «Мин яратам сине, Татарстан» җыры белән төгәлләнде. Җырны Казан кунаклары Турецкий хоры белән Салават башкарды. Турецкий хоры Казанда «Туган тел» һәм «Ай былбылым» җырларын башкарды. «Ай былбылым»ны чакырылган артистлар Татарстан җыелма хоры белән берлектә җырлады. Ә «Туган тел» башкарылганда сәхнәдә Рөстәм Миңнеханов бар иде. Ул Татарстан халкына гражданлык позициясе өчен рәхмәтләрен җиткерде. Читать дальше...

(Әгерҗе, 14 сентябрь, «Татар-информ», « Әгерҗе хәбәрләре », Миләүшә Ягъфәрова). Әгерҗе районы Үтәгән авылында туып-үскән, дөньякүләм танылган шахматчы Ленар Мурзин «Олимп» спорт комплексынлда әлеге спорт төрен яратучылар белән очрашты, уенда аларның осталыгын сынады. Ул Иннополиста шахмат буенча тренер булып эшли, 37 илдә узган турнирда җиңүче булган. Бу турыда район басмасы хәбәр итә. «6 сыйныфны тәмамлагач Үтәгәндә партком секретаре булып эшләгән әтием Нургали мине Әгерҗедән ерак түгел урнашкан „Яшь тимерьюлчы“ лагерена алып килде. Читать дальше...

(Чистай, 14 сентябрь, «Татар-информ», « Чистай хәбәрләре », Гүзәл Гомәрова). Чистай шәһәре кибетләренең берсендә эшләүчеләр үз территорияләрендә яралы кошка тап булган. Алар «Чиста болыннар» дәүләт табигать тыюлыгы хезмәткәрләренә мөрәҗәгать иткән. Тыюлык хезмәтәкрләре кичекмәстән шул адрес буенча кошны барып алган. Соңрак ачыкланганча, шәһәрлеләр тавык карчыгасын коткарган. «Кошның канатына зыян килгән, ул оча алмый иде. Без аны орнитологка күрсәттек, аның белән хезмәттәшлек алып барабыз. Тавык карчыгасын караганнан соң... Читать дальше...

(Ютазы, 14 сентябрь, «Татар-информ», « Ютазы таңы », Ильмира Галиева). Ютазы районы Иске Урыссу авылы халкы өчен матур чара узды — авыл үзәгендә «Дуслык» паркы ачылды. Бу турыда район басмасы хәбәр итә. Иске Урыссу авылында яшәүчеләр әлеге иҗтимагый киңлекне Татарстан Республикасында иң төзек торак пунктлар бәйгесендә җиңү яулаган өчен откан 1,5 млн сум грант хисабына төзеде. Исемен дә тавыш бирү юлы белән үзләре сайлады. Авыл халкын «Дуслык» паркын ачу тантанасы белән котлап, район үзәгеннән, башка авыл җирлекләреннән дә кунаклар килде. Читать дальше...

(Минзәлә, 14 сентябрь, «Татар-информ», « Минзәлә-информ », Флүрә Мусина). Минзәлә районында агымдагы елның сигез аенда 75 бала дөньяга килде, узган елның шушы чорында дөньяга килгән нәниләр саны 88 булган. Бу турыда район басмасы хәбәр итә. Район ЗАГС бүлеге җитәкчесе Анна Куприянова мәгълүматлары буенча, агымдагы елның август аенда Минзәлә районында 13 бала дөньяга килгән. Балаларның сигезе — кыз, бишесе — малай. Аларның икесе гаиләдә беренче бала булып, сигезе — икенче бала, өчесе өченче бала булып туган. Читать дальше...

(Казан, 14 сентябрь, «Татар-информ»). Биектауның Әлдермеш авылында үзсалым акчасына ял паркы төзекләндерелгән. Бу турыда «Высокогорские вести» газетасы хәбәр итә. 2019 елда ял паркын яңарта башлаганнар. Быел Әлдермеш авылында үзсалым акчасына тротуар ясаганнар, эскәмия һәм чүп савытлары куелган. Ибрә авылында быел торак йортларга 480 метр суүткәргеч үткәрелгән. Хәзерге вакытта Әлдермеш авыл җирлегендәге Сая авылында спорт мәйданчыгы ясыйлар. Өч авылда да чишмәләр һәм балалар мәйданчыклары төзекләндерелгән. Читать дальше...