د افغانستان تر ۱۷ کلونو کشره لوبډله له تاجکستان سره سیالي کوي
ټاکل شوې چې د افغانستان د اوولس کلنو فوټبال ملي لوبډله د منځنۍ اسیا د ۲۰۲۶ کال د سیالیو په دوام کې سبا د تاجکستان له لوبډلې سره مخامخ شي. دا سیالي به د شنبې په ورځ (۲۲ حمل) د کابل پر وخت د ماسپښین په ۱:۳۰ بجه په تاشکند ښار کې پیل شي. په پرونۍ لوبه کې ازبکستان افغانستان ته درې پر صفر ماتې ورکړه. د دې سیالیو په دوهمه لوبه کې افغانستان له ترکمنستان سره صفر پر صفر مساوي شو او تر دې مخکې یې له قرغیزستان څخه دوه پر یو ماتې خوړلې وه. په دې سیالیو کې د افغانستان تر څنګ د ازبکستان، ترکمنستان، قرغیزستان او تاجکستان لوبډلې ګډون لري.