غزني کې يوه موسسه۱۷۰زره غواګانو ته د پوستکي د ناروغۍ واکسين لګوي
د دغې موسسې سيمهییز چارواکي وايي، خلک باید غواوې واکسین کړي چې له دغې خطرناکې ناروغۍ څخه په امان شي.
د راپورونو له مخې تېر کال په افغانستان کې زرګونه غواوې د لمپي سکین ناروغۍ له امله تلف شوي دي.
لمپي سکین ناروغي غواګانو ته د ککړو غوماشو له لارې انتقالېږي چې پرې تر اخته کېدو وروسته د غواګانو تبې کېږي، په ځان یې دانې راخیژي او ان د له منځه تلو سبب یې کېږي.