د اروپايي ټولنې يوه استازي افغانستان کې د ناچاوده مهماتو په اړه خبرداری ورکړی
رافایله لودیچي (Raffaella Iodice) په خپل ټویټر کې لیکلي، د افغانستان په هر ولایت کې د جګړې د میراث په توګه لا هم ناچاوده مهمات پیدا کېږي.
د هغې په وینا، د اروپايي ټولنې غړي هېوادونه په افغانستان کې د ناچاوده مهماتو پاکولو او د افغانانو له خوندیتوب سره مرستې ته ژمن دي.
د سره صلیب نړیوالې کمېټې تېر کال ویلي وو، چې د ۲۰۲۲م کال له جنورۍ میاشتې تر اګست پورې په افغانستان کې د ناچاوده مهماتو د چاودنو ۴۳۵ پېښې ثبت شوي، له کبله یې څه باندې ۱۵۰۰ کسانو ته مرګژوبله اوښتې ده.