د بېلاروس امنیتي ځواکونو د لسګونه لاريون کوونکو د نیولو لړۍ پیل کړې
دا په داسې حال کې ده، چې د مستبد مشر الکساندر لوکاشینکا د استعفی د غوښتنې د تکرار لپاره بیا خلک له څلورو میاشتو لارو سړکونو ته راوځي.
د اګست میاشتې د ولسمشرۍ تر لانجمنو ټاکنو وروسته چې اپوزیسون په کې د درغلیو ادعا کوي، د نورو ورځو په څېر نن هم مظاهره چیان په منسک او نورو ښارونو کې سره راغونډ شول.
په هغو لانجمنو ټاکنو کې لوکاشینکا د ولسمشرۍ د شپږمې دورې ګټونکی وبلل شو، خو اپوزیسیون وايي اصلي ګټونکې د اپوزیسیون کاندیده سویتلانا څیخانوفسکایا ده.