Новости за 08.11.2018

د امریکا د متحد ایالتونو لوی څارنوال استعفا وکړه. جف سشنز د ولسمشر ډونالډ ټرمپ له غوښتنې سره سم له خپله مقامه استعفا کړې ده. له دې استعفا سره د روسیې د تحقیقاتو د برخې د سلاکار رابرټ مولر برخلیک یو ډول مبهم شوی دی. سپینه ماڼۍ وایي، جف سشنز د نوومبر په اوومه خپله استعفا ولسمشر ته وړاندې کړه او جمهور رئیس ټرمپ هم هغه ومنله. د امریکا د عدلیې وزارت د رابرټ مولر د کار په برخه کې ځانګړی صلاحیت لري. مولر دا مسئله څېړي چې : د ۲۰۱۶ میلادي کال د ولسمشرۍ په انتخاباتو کې روسیې مداخله کړې ده که نه‌ده؟... Читать дальше...

ترکیه وايي، په سیمه کې به د افغانستان او نورو هېوادو ترمنځ د ګډو پروژو ملاتړ وکړي. دا خبره پرون په کابل کې د ترکیې سفارت وروسته تردې وکړه چې په ارګ کې د ترکیې د «چالیک هولدینګ» شرکت سره افغانستان د ټاپ په نوم د پنځه سوه کیلو ولټه برښنا مزي د تیرېدو تفاهم‌لیک لاسلیک کړ. دغه ترکي شرکت به د ټاپ پر پروژې په ترکمنستان، افغانستان او پاکستان کې یو اعشاریه شپږ میلیاډه ډالر ولګوي، دا پروژه به په درې کلونو کې بشپړه شي چې له دې درکه به افغانستان هر کال له زر مېګا واټه برښنا څخه استفاده کوي او د ټرانزیټ له درکه به شاوخوا سل میلیونه ډالر ترلاسه کوي.

د ډنمارک حکومت درې ایراني فعالان په اهواز کې د وروستي برید د ستاینې په تور نیولي دي. د ډنمارک پولیسو پرون وویل، دا درې تنه د ایران د اپوزسیون د یوې ډلې غړي دي چې د ایران په اهواز ښار کې یې د خونړي برید ستاینه کړې ده. په دې برید کې چې د روان میلادي کال د سېپټمبر په ۲۲مه د پوځي رسم ګذشت پرمهال وشو لږ تر لږه ۲۵ تنه ووژل شول. د پولیسو په وینا، نیول شوي کسان چې د اهواز د عربو د سیمې د خپلواکۍ د جنبش غړي دي، ښایي نقدي جریمه شي یا تر دوه کاله زنداني شي. د ایران حکومت دغه ډله د اهواز په برید تورنه کړې ده. Читать дальше...

د ننګرهار په نازیانو ولسوالۍ کې د داعش پر ضد د پاڅون کوونکو عملیات نن هم ادامه لري. دا عملیات پرون چهارشنبه پیل شول او د پاڅون کوونکو ملاتړ د افغانستان د ملي امنیت ځواکونه کوي. د ننګرهار د والي ویاند عطا الله خوګیاڼي ازادي راډیو ته د دې عملیاتو د پای ته رسېدو په ارتباط وویل: "دا عملیات به تر هغو دوام ولري چې امنیت تأمین شي، لکه د بټي‌کوټ په ولسوالۍ کې چې امنیت ټینګ شو. په نازیانو کې به تر هغو عملیات روان وي چې مخالفین په بشپړ ډول وځپل شي او سیمه له دوی پاکه شي." په نازیانو کې نژدې پنځه سوه ولسي کسانو د داعش پرضد وسله رااخېستې ده.

د انګلستان صدراعظمه ټرزامې د افغانستان له ولسمشر اشرف غني سره د سولې د هڅو او انتخاباتو په اړه خبرې وکړې. دواړو مشرانو د افغانستان د سولې او په ژینو کې د روانې میاشتې په وروستیو کې د جوړېدونکې غونډې په اړه پرون پر ټیلیفون خبرې وکړې. ولسمشر غني د دې خبرو په ارتباط په ټویټر کې لیکلي دي چې مېرمن مېرکل د افغانستان ولس او امنیتي ځواکونو ته د ولسي جرګې د بریالیو انتخاباتو د ترسره کېدو مبارکي ورکړه او د ولسمشرۍ د راتلونکو انتخاباتو په اړه وغږېده. د دې خبرو نور جزئیات له رسنیو سره نه‌دي شریک شوي.

په عادي ورځو کې به د غزني اوسېدونکو کولاى شواى په درېيو ساعتونو کې د موټر په ذريعه ځان کابل ته ورسوي، خو اوس ...

د اروپايي پارلېمان مشر د پاکستاني چارواکو مننه کړې او ويلي چې سترګي په لار دی چې ډېر ژر له اسيه بي بي او د هغې د کورنۍ له غړيو سره وويني.

د امریکا په منځ‌مهالو ټاکنو کې د ولسمشر ډونالد ټرمپ د سیاسي اجنډا په اړه ضد او نقیض غبرګونونه لیدل کېږي، خو د ...

د امریکا په منځ-مهالو ټاکنو کې د ولسمشر ډونالډ ټرمپ د سیاسي اجنډا په اړه ضد او نقیض غبرګونونه لیدل کېږي خو د ښځو لپاره یې پایلې تاریخي اهمیت لري.

د تېرو دوو کلونو راهیسې د هلمند نېږدي ۷۰سلنه سیمې د وسله‌والو په ولکه کې دي.

په هسپانیا کې یو سړی چې د لور د مرګوني ناروغۍ په پلمه‎يې له خلکو او خیریه بنسټونو پیسې ټولې کړې وې، د ناوړه جعلکارۍ په قضیه کې په پینځه کاله بند محکوم شو.

په اسپانیا کې یو سړی چې د لور د مرګوني ناروغۍ په پلمه‎يې له خلکو او خیریه بنسټونو پیسې ټولې کړې وې، د ناوړه جعل‌کارۍ په ...