Новости за 29.06.2018

په روسیه کې د ۲۰۱۸ میلادي کال د فوټبال د نړیوال جام مسابقې روانې دي. په‎دې لړ کې پرون پنجشنبه د پولنډ د فوټبال لوبډلې په یوه ګول جاپان ته د صفر په مقابل کې ماته ورکړه. کلمبیا هم یو ګول ووهل او سنګال ته یې په صفر ماته ورکړه. د انګلستان او بلجیم لوبډلې پرون په [ G] ګروپ کې سره مخامخ شوې او بلجیم په یوه ګول انګلستان ته ماته ورکړه. په همدې ګروپ کې د تونس د فوټبال لوبډلې د پانامه لوبډلې ته د یوه په مقابل کې په دوو ګولونو ماته ورکړه. د شنبې په ورځ به د فرانسې او ارجنټاین ټیمونه او د یوروګوای او پرتګال لوبډلې سره مخامخ کېږي. Читать дальше...

په ننګرهار کې چارواکي په پوځي عملیاتو کې د اسلامي دولت ډلې یا داعش ۴۵ وسله‎والو د وژل کېدو خبر ورکوي. د ننګرهار د والي ویاند، عطالله خوګیاني پرون پنجشنبه ازادي راډیو ته وویل، په یوه اوونۍ کې د داعش ۴۵ وسله‎وال د ملي امنیت د ځانګړو ځواکونو په عملیاتو کې وژل شوي دي. ښاغلي خوګیاڼی وویل چې د داعش د وسله‎والو پرضد عملیات په هسکه مېنه، نازیانو، چپرهار او نورو ولسوالیو کې شوي دي.

د بې سرحده خبریالانو اداره وايي، د ۲۰۱۸ میلادي کال په لومړيو شپږ میاشتو کې په نړۍ کې ۴۷ خبریالان وژل شوي دي. دې ادارې په نړۍ کې د خبریالانو او د رسنیو د کارکوونکو د وضعیت په اړه خپل شپږ میاشتنی رپوټ پرون پنجشنبه خپور کړ. په رپوټ کې ویل شوي چې د روان میلادي کال د پېل په شپږو میاشتو کې په افغانستان کې ۱۱ خبریالان ووژل شول، خو په عمومي ډول وروستی یوکال په افغانستان کې د ژورنالېستانو لپاره په ځانګړي ډول خونړی بلل شوی دی.  د بې سرحده خبریالانو شپږ میاشتنی رپوټ وايي چې په افغانستان کې په وروستي یوه... Читать дальше...

د ورځپاڼې په لیکنه طالبان او اسلامي دولت ډله په مراسمو او رخصتیو کې قصداً عامه ځایونه تر برید لاندې نیسي.

د افغانستان لپاره د تماس نړیوالې ډلې پر وسله‎والو طالبانو غږ کړی چې د افغانانو د سولې اواز ته مثبت ځواب ورکړي.

د امریکا د بهرنیو چارو وزارت وايي، د انسانانو قاچاق په نړۍ کې تر ټولو خواشینونکی بشري ناورین دی چې له امله یې ...

اوکرایني چارواکي وايي، د دې هېواد په پلازمېنه کیف کې دوه وګړي د لیبیا د یوه ډیپلوماټ د زوی د برمته کولو په تور نیول شوي دي. د اوکراین پولیسو پرون پنجشنبه وویل چې دواړه مشکوک وګړي د مصر اتباع دي او د لیبیايي ډیپلوماټ زوی یې د پېسو ترلاسه کولو لپاره برمته کړی و. د کیف د پولیسو مشر ویلي چې که دواړه مشکوک وګړي په اختطاف مجرم وپېژندل شي، محکمه د اووه کاله زندان حکم ورباندې کولای شي. پولیسو ویلي چې برمته شوی هلک په روغتون کې بستر دی.