World News in Kyrgyz

Бишкектеги Ош базары күзгө жакын көчүрүлөт деп пландалууда. Соодагерлер жаңы базардын шарттарынан кабары жок экенин айтып, соода болбой калса насыяларынан кантип кутулуп, кантип тиричилик кылабыз деп тынчсызданып жатышат. 4-февралда президенттин иш башкаруучусу Каныбек Туманбаев базарда эл менен жолукту. Ал соодагерлер жаңы базар толук курулуп бүткөндө гана көчүрүлөрүн, алар ижараны мамлекетке гана төлөй турганын билдирди.

Алматы облусунун Райымбек районундагы Сарыбастау айылында бир үй-бүлөнүн төрт мүчөсү каза болду. Алардын арасында 1,5 жаштагы наристе да бар. Бул тууралуу Qonaev TV кабарлады. Алдын ала, тактала элек маалыматтарга караганда, үй-бүлө мүчөлөрү иске ууланып каза болушу мүмкүн. Үй-бүлө айылдан алыс жайгашкан кыштоодо жашап келген. Туугандары эки күн бою алар менен байланыша албай, андан кийин үйүнө барып, төрт адамдын сөөгүн табышкан. Ошондон кийин полицияга кабар берилген. Айыл тургуну Ерканат Акылдосовдун айтымында... Читать дальше...

Эл аралык Human Rights Watch уюму жылдык баяндамасында Кыргызстанда сөз эркиндигине, маалыматка жетүү укугуна олуттуу чектөөлөр киргенин белгилеген.

Бакудагы Аскердик сот Тоолуу Карабак Республикасынын мурдагы жетекчилеринин ишин карап жатат. Бул тууралуу "Эркин Европа/Азаттык" радиосунун азери кызматы жана Azertac агенттиги жазды. Маалыматка караганда, аймактын мурдагы президенти Араик Арутюнян, армиянын мурдагы командири Левон Мнацаканян, анын орун басары Давид Манукян, Тоолуу Карабактын парламентинин мурдагы спикери Давид Ишханян, аймактын тышкы иштер министринин мурдагы башчысы Давид Бабаян өмүр бою эркинен ажыратылды. Иш боюнча жалпысынан 15 адам айыпталууда... Читать дальше...

5-февралда Орусия менен Кошмо Штаттардын ортосундагы стратегиялык чабуул коюучу куралдарды андан ары кыскартуу жана чектөө боюнча СНВ-III деп аталган келишими өз күчүн жоготот. Бул келишим Москва менен Вашингтондун ортосундагы өзөктүк куралсыздануу боюнча акыркы ири макулдашуу болуп саналат. Документке 2010-жылдын апрелинде Прагада кол коюлуп, 2011-жылдын башында күчүнө кирген. Алгач келишим 10 жылга эсептелген жана аны дагы беш жылга бир жолу узартууга мүмкүн болгон. Бул мүмкүнчүлүк 2021-жылы колдонулган. Читать дальше...

Саламаттыкты сактоо министри Каныбек Досмамбетов гемодиализ алган жарандарды тейлөөнү мамлекетке кайтаруу ниетин билдирди. Бул тууралуу 5-февралда Жогорку Кеңеште “өкмөттүк саат” учурунда депутат Адилет Белековдун суроосуна жооп берип жатып айтты. “Бизге гемодиализдин сапаты начар деген маалыматтар келип жатат. Колдонулган жабдуулар да Кытайдан арзан алынып келинип, иштетилип жатат деп жатышат. Ошол үчүн гемодиализди мамлекетке эле алсакпы деген ойлор бар”, - деди Досмамбетов. Министрдин берген маалыматына караганда... Читать дальше...

Кошмо Штаттардагы сот 59 жаштагы Райан Рутту 2024-жылы Флорида штатынын Уэст-Палм-Бич шаарындагы гольф-клубда Дональд Трампка кол салууга аракет кылгандыгы үчүн өмүр бою эркинен ажыратууга жана кошумча жети жылга кесүүгө өкүм чыгарды. Рут беш федералдык кылмыш иши боюнча күнөөлүү деп табылды. Алардын ичинде АКШ президентигине талапкерге кол салууга аракет кылуу, федералдык кызматкерге кол салуу, ошондой эле ок атуучу куралды мыйзамсыз сактоого байланышкан бир нече кылмыштар бар. Шайлоо өнөктүгү маалында... Читать дальше...

АКШнын Иллинойс штатында Интерпол аркылуу издөөдө жүргөн 47 жаштагы Ы. М. аттуу кыргызстандык жаран кармалды. Ага 2023-жылы Кылмыш-жаза кодексинин 209-беренесинин 1-бөлүгү ("Ири өлчөмдөгү алдамчылык") менен козголгон кылмыш ининин негизинде издөө жарыяланганын Кыргызстандын Ички иштер министрлиги (ИИМ) маалымдады. Министрликтин маалыматына караганда шектүү АКШнын Ички коопсуздук министрлиги жана Иллинойс штатынын Баңгизатка каршы күрөшүү департаменти тарабынан кармалган. Маалыматта айтылгандай... Читать дальше...

6-февралда түнкүсүн Ош, Жалал-Абад, Баткен облустарынын айрым жерлеринде жаан, кар жаайт. Күндүз Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде жаан, кар, тоолуу райондорунда кар жаайт. Жолдор тайгак болот. Батыштан соккон шамалдын ылдамдыгы секундасына 4-9 метрден, түнкүсүн айрым жерлерде 15-20 метрге чейин жетет. Абанын температурасы: Чүй өрөөнүндө түнкүсүн -1…+4, күндүз 3…8; Талас өрөөнүндө түнкүсүн -2…+3, күндүз 3…8; Баткен... Читать дальше...

Курулуш, архитектура жана турак жай-коммуналдык чарба министри Нурдан Орунтаев “Эмаком” курулуш компаниясынын тегерегиндеги соңку кырдаал тууралуу маалымат берди. 5-февралда Жогорку Кеңеште “өкмөттүк саат” учурунда ал компания “банкрот болгонун жана баштаган объектилерин бүтүргөнгө акчасы жоктугун” билдирди. “Компаниянын Ош жана Бишкек шаарларында көптөгөн объектилери көйгөй жаратып келет. Жарымы бүткөн, жарымы бүтпөгөн, бүтсө дагы эксплуатацияга берилбеген объектилер. Биз былтыртан баштап курулушу бүтүп... Читать дальше...

Жогорку Кеңештин 5-февралдагы жыйынында Мамлекеттик ипотекалык компания салып жаткан үйлөрдүн өздүк наркы менен сатуудагы баа айырмачылыгына байланыштуу маселе кайра көтөрүлдү. Депутат Нурланбек Азыгалиев МИК пайда табуу үчүн эмес, социалдык жактан жардамга муктаж жарандарды үйлүү кылуу үчүн түзүлгөнүн белгиледи. МИКтин директорунун орун басары Нурлан Кудайкулов турак жайлардын курулушу бир чарчы метрине Бишкекте 59 миң 140, аймактарда 64 миң 800 сом деп эсептелгенин, сатылышы 900-1400 АКШ доллары өлчөмүндө экенин билдирди. Читать дальше...

4-февралда саат 23:04тө милициянын 102 номуруна Бишкектеги айланма жолдун жээгинде аялдын сөөгү жатканы тууралуу маалымат түшкөн. Милиция ал жерден зомбулуктан улам каза болгон кыздын сөөгүн тапкан. Факты боюнча Кылмыш-жаза кодексинин 122-беренеси ("Адам өлтүрүү") менен кылмыш иши козголгонун Бишкек шаардык ички иштер башкармалыгынын (ШИИБ) басма сөз кызматы 5-февралда кабарлады. Ыкчам иликтөө иштеринин жыйынтыгында маркум 2006-жылы туулган С. Б. экени аныкталган. Милициянын маалыматына ылайык, кылмышка... Читать дальше...

Министрлер кабинетинин төрагасынын биринчи орун басары Данияр Амангелдиев кымбатчылыкка негизинен импорттун үлүшүнүн көп болушу себеп экенин билдирди. Бул тууралуу 5-февралда Жогорку Кеңештеги “өкмөттүк саатта” депутат Алишер Козуевдин суроосуна жооп берип жатып айтты. Ал азык-түлүктүн 70% сырттан импорттолорун, бул багытта өкмөт ички мүмкүнчүлүктөрдү кеңейтүүнүн үстүндө иштеп жатканын түшүндүрдү. “Тамчылатып сугаруу системасын киргизүү, айыл чарба техникаларын алууга лизинг киргизүү да ушул багытка байланыштуу. Читать дальше...

Жогорку Кеңештин депутаты Сүйүнбек Өмүрзаков 5-февралдагы “өкмөттүк саат” учурунда Кыргызстанда батирлердин ижара акысы өтө кымбат болуп жатканын айтып чыгып, маселени чечүү жолдорун сурады. Министрлер кабинетинин төрагасынын биринчи орун басары Данияр Амангелдиев өкмөт бул маселени Мамлекеттик ипотекалык компаниянын алкагында чечүүнү көздөп жатканын билдирди. “Ошонун алкагында үйлөрдү куруп, аны жаранга убактылуу ижарага берип, белгилүү бир убакыттан кийин мүлктү анын менчигине өткөрүп берүү боюнча механизмдер бар. Читать дальше...

Президент Садыр Жапаровдун 5-февралдагы жарлыгына ылайык, Чүй облусундагы Кара-Балта шаарынын мэри Азат Салмурбек уулу ээлеген кызматынан бошотулду. Азат Салмурбек уулу Кара-Балта шаарынын мэрлигине 2025-жылы октябрда дайындалган. Ага чейин Токмок шаарынын мэринин орун басары болуп иштеген. Мамлекет башчынын дагы бир буйругу менен Кара-Балта шаарынын мэри болуп Алмаз Исаков дайындалды. Исаков буга чейин Талас облустук Жол кыймылынын коопсуздугун камсыздоо башкармалыгын жетектеп турган. (ZKo)

АКШ бийлиги Иран менен 6-февралга пландалган сүйлөшүүлөрдү жүргүзүүдөн баш тартты. Бул тууралуу Axios агенттиги америкалык аткаминерлерге шилтеме кылып билдирди. Басылманын маалыматына караганда, мындай чечим Тегеран сүйлөшүүнү Стамбулдан Оманга жылдырууну, Ирандын өзөктүк программасын гана талкуулоону, адам укуктары, баллистикалык ракета, куралдуу топторду колдоо сыяктуу маселелерди күн тартибинен алып салууну сунуштагандан кийин кабыл алынган. АКШнын өкүлдөрү сунушту 4-февралга чейин четке кагып келишкен. Читать дальше...

Жогорку Кеңештин төрагасы Нурланбек Тургунбек уулу аткаруу бийлиги менен депутаттардын ортосундагы маселе боюнча 4-февралда президент Садыр Жапаров менен сүйлөшкөнүн билдирди. “Мен кечээ бул жерде айтылган сын-пикирлерден сөзсүз жыйынтык чыгат деп ойлойм. Эң башкысы, өлкөбүздө тынчтык, ынтымак-ырашкерлик болушу керек. Сөзсүз түрдө бийлик бутактары бири-бирибизди сыйлап, алдыга жыла беришибиз керек”, - деди төрага. Ал парламент менен аткаруу бийлигинин ортосундагы көз караштардын келишпестиги “кадыресе көрүнүш” экенин кошумчалады. Читать дальше...

Өзбекстанда 15 миллиондон ашуун жарандын жеке маалыматтары уурдалып,  Dark Web’ге жайгаштырылганы тууралуу кабар тарады. Бул окуя президент Шавкат Мирзиёев кибер кылмыштарга каршы күрөш натыйжа бербей жатканын айтып, тийиштүү органдары катуу сындагандан бир жума өткөндөн кийин болду.

Кыргызстанда алимент төлөбөгөнү үчүн бир адам эки жылга кесилип, сот залынан камакка алынды. Бул ажырашкандан кийин алимент төлөбөгөнү үчүн жазалаган сейрек чаралардын бири болду.