Дүйнөлүк банк: Пакистан менен Тажикстанда ишкер чөйрө оңолду
Аталган банктын «Doing Business» рейтинги боюнча, Пакистан 190 мамлекеттин ичинен 108-орунду ээлеп, былтыркыга салыштырмалуу 28 тепкичке өйдө көтөрүлдү. Тажикстан болсо 106-орунду алды.
Орусия үч кадам алдыга жылып, 28-орунду ээледи. Ал эми тизменин сап башында Жаңы Зеландия турат.
Кыргызстан бул рейтингде 2017-жылга салыштырмалуу көрсөткүчүн жети тепкичке көтөрүп, 190 өлкөнүн ичинен 70-орунга жайгашты.
Расмий Бишкектин 2018-2040-жылдарга карата туруктуу өнүгүү стратегиясына ылайык, өлкө 2023-жылга карата «Doing Business» рейтинги боюнча алдыңкы 40 өлкөнүн катарына кириши керек.
«Doing Business» рейтинги дүйнөнүн 190 өлкөсүндө ишкерликти көзөмөлдөөгө байланышкан мыйзамдарды баалаганга мүмкүндүк берет.