Новости за 05.03.2026

Вебкам иши боюнча соттолгон Даниэл Ажиев абактан тик учак менен чыгып кеткени тууралуу маалыматты Өзгөчө кырдаалдар министрлиги "Азаттыкка" ырастады. Мекеменин 5-марттагы маалыматына караганда, тик учак үчүн 268 миң сом ижара акысы төлөнгөн. Ижара тууралуу буюртмага байланыштуу Ажиевдин жакындары сүйлөшкөн. Буга чейин социалдык тармактарда Жаза аткаруу мамлекеттик кызматынын Петровка айылындагы №8 түзөтүү мекемесинен тик учак учуп чыкканы тартылган тасма тараган. Видеого тарткан киши тик учак Даниэл... Читать дальше...

Иран бийлиги Шри-Ланканын жээгиндеги аскердик кемесине сокку урулганы тууралуу 5-мартта алгачкы ачык комментарийин берип, АКШны айыптады. "АКШ деңизде, Ирандын жээгинен 2000 миль алыстыкта зулумдукка барды. Ичинде дээрлик 130 деңиз кызматкери бар Dena фрегатына эл аралык суу аймагында эскертүүсүз кол салуу болду", - деп жазды Ирандын тышкы иштер министри Аббас Аракчи X социалдык медиа платформасында жана АКШ бул үчүн "катуу өкүнөрүн" эскертти. 4-мартта АКШнын коргоо министри Пит Хегсет Шри-Ланканын... Читать дальше...

Кыргыз-тажик мамлекеттик чек арасын инженердик тосуу иштери кайра жанданды. Чек ара кызматы быйыл Баткен аймагынан 200 чакырымдай, Ош облусунан 70 чакырымдай чек ара тилкесине зым тартыларын айтууда.

2-март күнү Түркиянын Балыкесир провинциясынын токойлуу жеринде аялдын таанылгыс абалдагы сөөгү табылган. Жергиликтүү Sabah басылмасы ал Өзбекстандын жараны, Самарканддан барган 46 жаштагы Дилафруз Чулиева болушу ыктымалдыгын жазды. Чулиева эки айдан бери дайынсыз жоголуп, издөө жарыяланган. Анын жакындары табылган өлүктүн үстүндөгү кийим Дилафрузга таандык болушу мүмкүн экенин айтышкан. Бирок азырынча расмий маалымат жок. Басылманын жазганына караганда, Дилафруз Чулиева Түркияда мыйзамдуу жашап, иштеп жаткан. Читать дальше...

Журналист, Темиров LIVE жана “Айт, айт десе” долбоорлорунун жетекчиси, камакта жаткан Махабат Тажибек кызынын абактан жазган каты жарыяланды. Адковаты Асел Аргымбаева аркылуу коомчулукка жолдогон кайрылуусунда ал абакта жатканына эки жыл толгонун белгилеп, бул убакытта ар кандай соттолгондор жана абак кызматкерлери жасаган интригаларды, орой мамилени көргөнүн жазган. “Бирок мен сынбашка бар күчүмдү жумшадым, умтулдум жана аракет кылдым. Өзүмдү жалгыз жана керексиз сезген күндөрүм болду. Мындай учурда... Читать дальше...

Жогорку Кеңештин депутаты Бекмурза Эргешовдун соттуулугу бар же жогу боюнча маселе көтөрүлүп, Борбордук шайлоо комиссиясы укук коргоо органдарына кайрылды. №6 шайлоо округунан утуп келип, парламентке депутат болгон Эргешовго каршы шайлоодогу атаандашы Алтынбек Токтосунов арыз жазган.

Өзгөчө кырдаалдар министри Урматбек Шамырканов Өзгөн районунда төрт бала өрттөн чарчап калган кайгылуу окуяга байланыштуу кайрылуу жасап, элди өрт коопсуздугун сактоого чакырды. Министр чарчап калган төрт баланын жакындарына көңүл айтып, сабыр тиледи. Ошондой эле акыркы убактарда адам өлүмү менен коштолгон өрт кырсыктары көп катталып жатканын белгилеп, элди өрт коопсуздугуна кайдыгер мамиле кылбоого чакырды. "Электр жабдууларын туура пайдалануу, бузук же кооптуу зымдарды колдонбоо жана үйдөгү өрт... Читать дальше...

Жогорку Кеңештин 5-марттагы жыйынында депутат Улукбек Карыбек уулу менен төраганын биринчи орун басары Медербек Алиев кайым айтыша кетти. Жыйындын башында Карыбек уулу парламенттин чыгарган мыйзамдары тууралуу кайрылуу жасап, кабыл алынган документтердин пайда-зыянын талдап турган институт ачууну сунуштады. Алиев Карыбек уулунун демилгесин кубаттап, мыйзамдын аткарылышын көзөмөлдөө үчүн депутаттардын тажрыйбасы болушу керектигин айтты. “Жогорку Кеңеш мыйзамдарды жөн эле кабыл албастан, алардын аткарылышын көзөмөлдөшүбүз керек. Читать дальше...

Ирактын Энергетика министрлиги электр энергиясын берүү толугу менен токтогонун жана окуянын себептерин иликтөө башталганын билдирди. Жарык берүү качан калыбына келтирилери белгисиз. INA агенттиги аймактардын биринин энергетика департаментинин жетекчилерине таянып билдиргендей, бул көйгөйдүн чыгышына электр станцияларына газдын жетиштүү көлөмдө берилбей калганы жана электр өткөргүч линияларына урулган соккулар себеп болушу мүмкүн. Басылма муну менен катар Самаррадагы Салах ад-Дин атындагы электр станциясына жапырт ракета чабуулу коюлганын... Читать дальше...

Туризмди өнүктүрүү фондунун мурдагы жетекчиси Кудрет Тайчабаровдун иниси Азамат Марипов эркиндикке чыкты. Бул тууралуу “Азаттыкка” анын жакындары билдирип, Жогорку сот 3-мартта Азамат Мариповду коюлган кине боюнча күнөөлүү деп таап, үч жылдык пробация менен абактан бошотконун кабарлашты. Андан тышкары ага 50 миӊ сом айып пул салынган. Бишкектин Биринчи май райондук соту былтыр 6-октябрда Азамат Мариповду Кылмыш-жаза кодексинин “Массалык башаламандыктар” жана “Бийликти күч менен басып алууга ачык чакырыктар” беренелери менен күнөөлүү деп таап... Читать дальше...

5-мартка караган түнү Өзгөн районунун Мырза-Арык айылында турак үйдөн өрт чыгып, төрт бала каза болду. Бул тууралуу Өзгөчө кырдаалдар министрлигинин Ош облустук башкармалыгы билдирди. Өрттү өчүрүүгө эки бөлүм тартылып, таңкы саат 3:50дө толугу менен өчүрүлгөн. Кырсыктын кесепетинен сегиз, алты, беш жана үч жаштагы балдар каза болгон. Учурда өрттүн келип чыгуу себептери такталууда. Тиешелүү кызматтар териштирүү иштерин жүргүзүүдө. Былтыр октябрда да Ош шаарында турак үйдөн өрт чыгып, 34 жаштагы келин беш баласы менен каза болгон. Читать дальше...