Новости за 30.04.2020

Өзбекстандын президенти Шавкат Мирзиёев коронавирус пандемиясынан улам киргизилген карантиндин айрым шарттары жумшара турганын билдирди. Ага ылайык, эми жарандарга жумушка, дарыканага, дүкөндөргө баруу үчүн эртең мененки 7ден 10го чейин, кечинде 5тен 8ге чейин жеке унаасын колдонууга уруксат берилди. Ошондой эле өзүнүн үйүнүн жанында балдар менен сейилдеп, ойноого тыюу салынбайт. Мындай эреже буга чейин атайын уруксат кагазын алган айдоочуларга тиешелүү эмес. Президент ошондой эле аймактарга, шаарларга... Читать дальше...

Кыргызстанда Жалпы республикалык тестирлөөгө (ЖРТ) катталуу жана аны өткөрүү күндөрү жарыяланды. 30-апрелде онлайн-брифингде билим берүү жана илим министри Каныбек Исаков билдиргендей, 4-майдан 15-майга чейин каттоо ачык болот. Ал эми негизги жана предметтик тесттерди тапшыруу 21-июндан 25-июнга чейин эки этапта өтөт. Исаковдун айтымында, “Бул үчүн бөлмөлөрдүн ичи дезинфекцияланып, абитуриенттердин ортосундагы аралык сакталат жана санитардык-эпидемиологиялык талаптар аткарылат”. Министрлик белгилегендей... Читать дальше...

Ирина Карамушкина Кыргызстанга коронавирус илдетин кичи ажыга баргандар алып келгенин белгилеп, аларды текшербей, үйлөрүнө таратып жиберген мамлекеттик кызматкерлерди да шалаакылыгы үчүн жоопко тартуу маселесин көтөрдү. Өкмөт башчы Мухаммедкалый Абылгазиев март айында Сауд Арабиясы илдеттин очогу деп саналган өлкөлөрдүн катарында болбогонун, ошондуктан ал жактан келгендер милдеттүү түрдө текшерүүдөн өтпөгөнүн билдирди. Карамушкинанын сөзүнөн кийин бир нече депутаттар “Карамушкина ооруну умрага... Читать дальше...

Тажикстанда парламенттин төмөнкү палатасы 29-апрелде "Жарандык абал актыларын мамлекеттик каттоо тууралуу" мыйзамга өзгөртүү киргизүү боюнча мыйзам долбоорун кабыл алды. Ага ылайык, мындан ары жаңы төрөлгөн балдардын фамилияларына -ов, -ова, -ев, -ева деген, ал эми атасынын атына -ович, -овна, -евич, -евна деген орусча суффиксти кошуп жазууга тыюу салынды. Өлкөнүн юстиция министри Музаффар Ашуриён муну "улуттук ысымдарды калыбына келтирүү" саясаты менен түшүндүрдү. Эми мындан ары жаңы төрөлгөн... Читать дальше...

Бул оору алгач катталгандан берки эң чоң көрсөткүч болуп калды жана илдетке кабылгандардын жалпы саны 106 миңден ашты. Ыкчам штаб бир күндүн ичинде 101 адам каза болгонун, ажал тапкандардын саны миң кишиден ашканын кабарлады. Коронавирус жугузгандар боюнча Москва алдыда. Илдетке кабылган жана каза болгон адамдардын теңинен көбүрөөгү бул шаарга туура келет. Орусияда өлкө боюнча өзгөчө абал, же өзгөчө кырдаал жарыяланган эмес.  Апта башында президент Владимир Путин өлкө боюнча эс алуу күндөрүнүн мөөнөтүн 11-майга чейин узарткан. Читать дальше...

Кыргызстандын Билим берүү жана илим министрлиги кийинки окуу жылын да дистанттык негизде жүргүзүү ыктымалдыгына даярдык көрөт. Бул тууралуу 30-апрелде онлайн-брифингде министр Каныбек Исаков билдирди. Ал “Күзүндө коронавирустун жаңы толкуну болушу ыктымал деп жатышат. Окууну кийинки жылы дистанттык негизде өткөрүү маселеси каралып жатабы?” деген суроого төмөнкүчө жооп берди: “Кыргызда “Жаман айтпай жакшы жок” деген сөз бар. Глобалдашкан коомдо биз бардык кырдаалдарга даяр болушубуз керек. Ошондуктан азыркы тажрыйбаны эске алып... Читать дальше...

Ушул тапта чет мамлекеттерде окуп жаткан 11 569 кыргызстандык студент бар. Алардын ичинен 7400ү Орусияда, 1859у Түркияда, 60 студент Польшада жана 80 студент Германияда. Бул тууралуу тышкы иштер министри Чыңгыз Айдарбеков 30-апрелде парламентте билдирди. Министр студенттердин каалоосуна жараша аларды алып келүү жөнүндө сүйлөшүүлөр жүргүзүлөрүн кабарлады. Тышкы иштер министри сырттан келе албай жаткан кыргызстандык мигранттарды колдоо максатында бөлүнгөн акча тууралуу маалымат берип жатып, Бириккен... Читать дальше...

Кайрымдуулук акциясы менен таанылган Британиядагы Дүйнөлүк экинчи согуштун ардагери Том Мур 30-апрелде 100гө чыкты. Ал ушул айдын башында аны өсмөдөн дарылаган британ Улуттук саламаттык сактоо кызматына (NHS) ыраазычылык билдирүү максатында жана дарыгерлердин жаңы вирус менен күрөшүүдөгү мээнет-түйшүгүн сыйлап акча чогултуу акциясын баштаган. Карыя анда үйүнүн короосун чыгырыктын жардамы менен айланып, марафон баштаган. Башында короону 100 жолу айланып, 30-апрелдеги туулган күнүнө чейин, 100 жылдык... Читать дальше...

Мурманск облусундагы курулушта коронавирус жайылып кетип, илдет бир миңден ашуун жумушчудан табылды.

Кыргызстанда бир жылдан бери чуу менен коштолгон биометрикалык паспортторду даярдоо боюнча тендердин жыйынтыгы жарыяланды. Ага ылайык, германиялык «Мүлбауэр» компаниясы Кыргызстанды бланктар менен камсыз кылат.

Праганын үч аткаминери, анын ичинде калаа мэри полициянын кайтаруусуна алынды. Буга Орусиянын чалгын кызматынын өкүлү делген адамдын үчөөнү ууландыруу үчүн Чехияга барганы тууралуу маалыматтар түрткү болду.

Нарында коронавирус жугузгандар 95ке жетти. Анын көбү Ат-Башы районунда. Учурда COVID-19 илдети тез жайылып жаткан аймактардын катарын толуктоодо. Ушундан улам бул аймакта өзгөчө абал режими 10-майга чейин узартылды. Облустук бийликтин айтымында, вирус Ат-Башыга эки дааватчыдан жайылып башталган.

Жогорку Кеңеш жалпы жыйынга чогулуп, Кыргызстандын айрым аймактарына киргизилген өзгөчө абалды узартуу боюнча президенттин жарлыгын карап жатат.

Белгилүү акын, «Азаттык» радиосунун кабарчысы Зайырбек Ажыматов 44 жашында дүйнөдөн кайтты.

Казакстанда сегиз жыл мурда тартылган “Патруль” аттуу сериал тажикстандыктарды экинчи жолу ачуулантты. Өлкөнүн Тышкы иштер министрлиги Казакстанга нааразылык нотасын жиберди.