Новости за 28.04.2020

Кытай жараны Айеркен Саймаитиге жасалма кыргыз паспортун жасап берди деп шек саналган кызматкер акталган жок. Бул тууралуу 28-апрелде Жогорку соттун басма сөз кызматы билдирди. Мекеме тараткан кабарда «Кылмыш жообуна тартуу мөөнөтү өтүп кеткендиктен ишти териштирүүнү токтотуу реабилитациялоочу жагдай болуп эсептелбейт. Ошондуктан «Жогорку сот А.А.К. аттуу жаранды актады» деген маалымат чындыкка дал келбейт» деп айтылат. Ички иштер министрлиги (ИИМ) эл аралык издөөдө жүргөн Саймаити Кыргызстандан... Читать дальше...

Буга чейин байкалган беткаптардын тартыштыгынан улам Теңир-Тоо аймагында ушул продукцияны жана атайын сактануучу формаларды тигүү цехтери ачыла баштады. Маселен Нарын районунун Жерге-Тал айыл аймагындагы аялдар оорудан коргоочу беткаптардан баштап атайын формалардын түрүн тигип жатышат.

«Медиа топтоо – 2020» III Индустриалдык форумунун 4-күнүндө жарнама тармагынын адиси Арсений Ашомко түрдүү платформалар үчүн контентти ылайыкташтыруу тууралуу маалымат берип жатат. «Медиа топтоо – 2020» III индустриалдык медиа форуму 25-апрелде ишин баштаган. Өзгөчө абалга байланыштуу иш-чара жылдагыдан айырмаланып, быйыл онлайн форматта өтүп жатат. Медиа форумдун өзөктүү темалары өзгөчө абалда жашап жаткан Кыргызстандагы жалпыга маалымдоо каражаттарынын ишине байланыштуу тандалган. Беш күндүк... Читать дальше...

Чет өлкөдөгү эмгек мигранттарынын оор абалда калганы Кыргызстандын миграциялык саясатына байланыштуу маселени козгоду.

Жыйында коронавируска каршы күрөш боюнча атайын эсепке келип түшкөн акчаны COVID-19 вирусуна каршы күрөшкө жана гуманитардык жардамга жумшоо маселеси каралууда. Жыйынды комиссиянын мүчөсү, Жогорку Кеңештин депутаты Аида Касымалиева «Фейсбуктагы» баракчасында түз алып берүүдө. Депутат Аида Касымалиева атайын эсепке келип түшкөн каражаттардан медицина кызматкерлерине төлөнүп берилүүчү кошумча акы, коргонуучу каражаттарга акча бөлүү маселесин көтөрдү. Комиссиянын жетекчиси, вице-премьер-министр... Читать дальше...

Дүйшөмбүдө Чилинин борбору Сантьягодо өкмөттүн пандемияга карата чараларына каршы акция өттү. Коронавируска байланыштуу коргоочу каражат, беткап ала жүрүшкөн митингчилер социалдык аралыкты сактап бири-биринен алыс турушту. Полиция аларды суу, жаш агызчу газ чачып кууп таратты. Жергиликтүү маалымат каражаттары бери дегенде 30 адам камалганын жазышты. Латын Америкасындагы бул өлкөдө нааразылык акциялары былтыр күзүндө башталган. Анда демонстранттар конституциялык реформа жүргүзүүнү талап кылышкан. Читать дальше...

Кыргызстанда үй карантин талабын бузгандар боюнча чечим кабыл алына баштады. 28-апрелде Республикалык ыкчам штабдын жыйынында ички иштер министринин орун басары Мирлан Каниметов алты адам административдик жоопко тартыларын билдирди. Анын айтымында, Жоруктар жөнүндө кодекстин 127-беренесине ылайык санитардык-эпидемиологиялык эрежени бузгандар үчүн 20 миң сомдон 60 миң сомго чейин айыппул каралган. Мындан тышкары штабдын жыйынында белгиленгендей, атайын мобилдик тиркеме аркылуу дагы 151 адамдын үй карантин эрежесин бузганы аныкталды. Читать дальше...

АКШнын президенти Дональд Трамп 27-апрелде брифингде Түндүк Кореянын лидери Ким Чен Ын тууралуу суроого жооп берди. Анда Ким Чен Ындын азыркы абалын жакшы билерин, бирок аны эч кимге айтпай турганын билдирди. Трамп: «Мен силерге так айта албайм. Мен ал эмне болуп жатканын жакшы билем, бирок аны айта албайм. Мен ага бардык жакшылыктарды каалайм. Ким Чен Ын менен жакшы мамиледемин. Эгер мен президент болбогонумда силер согуш абалында болмоксуңар. Мен ал жакшы болуп кетет деп үмүттөнөм. Мен анын абалы кандай экенин билем. Читать дальше...

Кошмо Штаттардын бийлиги ар бир салык төлөөчүгө 1200 доллардан, ал эми балдарга 500 доллардан бир жолку төлөнчү жардам көрсөтүп жатат. Ал кимдерге берилет? Кошмо Штаттарда жашаган кыргызстандыктар да ала алышабы?

Өзбекстандын түштүк-чыгышындагы Бухара облусунда дээрлик төрт саатка созулган катуу шамалдын кесепетинен бак-дарактар кыйрап, 140 миңден ашык түтүн жарыксыз, газсыз калды. Табыгый кырсыктын айынан бир адам мерт болуп, бери дегенде 30дай киши жаракат алды. Мамлекеттик метеорологиялык борбор шамалдын ылдамдыгы саатына 90 чакырымга жеткенин билдирди. Чукул кырдаалдар министрлиги табыгый кырсык Навои, Самарканд жана Кашкадарыя облустарына да кесепетин тийгизгенин маалымдады. Чыгашаны эсептеш үчүн мамлекеттик комиссия түзүлдү. Читать дальше...

Ош облусундагы айылдарда коронавирус жугузуп алгандар менен байланышта болгондорду, үй карантинге алынгандарды дарыгерлер үймө-үй кыдырып текшере баштады.

29-апрелде түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында өткүн өтүп, күн күркүрөйт, бийик тоолуу райондордо кар жаайт, кээ бир райондордо жаан-чачын катуу жаайт. Ысык-Көл, Нарын облустарында жаан-чачын жаабайт. Күндүз Чүй, Талас, Жалал-Абад, Ош, Баткен, Нарын облустарынын көпчүлүк аймактарында, Ысык-Көл облусунун кээ бир райондорунда жаан жаап, күн күркүрөйт, бийик тоолуу райондордо кар жаайт. Батыш тараптан соккон шамалдын ылдамдыгы секундасына 4-9 метрден, кээ бир райондордо 17-22 метрге жетиши күтүлөт. Читать дальше...

Бул тууралуу коронавирустун жайылышынын алдын алуу боюнча республикалык штаб «Азаттыкка» маалымдады. 28-апрелде Екатеринбург шаарынан учуп келген 157 жарандын ичинде өзү Орусиянын жараны, балдары Кыргызстандын жараны болгон жана балдары Орусиянын жараны, өзү Кыргызстандын жараны болгон эки аял болгон. Өзгөчө абал шартындагы мыйзамдарга ылайык, өлкөгө чет элдик жарандарды киргизүүгө тыюу салынганына байланыштуу алар балдары менен кошо Кыргызстанга киргизилген эмес. Бирок республикалык штабдагы кеңешмеде... Читать дальше...

Орозо башталып, замандаштар бири-биринен кечирим сурап, көпчүлүгү жалпы эле тааныган-билгендеринин баарына кайрылып, жарыя кечирим сурашып жатат.

28-апрелде «Манас» эл аралык аэропорту Орусиянын Екатеринбург шаарынан келген чартердик рейсти тосуп алды. Коопсуздук чаралары үчүн учакта келген 157 жүргүнчү аба майданынын имаратына киргизилбестен, учуу тилкесинен тейленип, обсервацияга жөнөтүлдү. Ушул эле учак Бишкектен Екатеринбургга Орусиянын жарандарын алып кетет.  Орусиянын Екатеринбург шаарынан Бишкекке чартердик рейсти «Урал аба жолдору» авиа компаниясы алып келди. Коронавируска байланыштуу чек аралар жабылгандыктан мекенине кайта албай... Читать дальше...

Кыргыз өкмөтүнүн Орусиядагы мигранттарга жардамга бөлгөн 10 миллион сому талаш-тартышка жем таштады.

Европа Биримдиги (ЕБ) Кыргызстандын коронавируска каршы көрүп жаткан аракеттерине колдоо көрсөтүш үчүн 36 миллион евро бөлмөй болду. Бул тууралуу «Азаттыкка» уюмдун Кыргызстандагы өкүлчүлүгү кабарлады. Маалыматта айтылгандай, бул каражат грант түрүндө берилет жана макрофинансылык туруктуулукту, социалдык коргоону, азык-түлүк коопсуздугун камсыз кылууга, саламаттык сактоо тармагына, кризис-менежментке жана жеке секторго жардам берүүгө жумшалат. ЕБдин элчиси Эдуард Ауэр: «Бул колдоосу менен Европа... Читать дальше...

Күн жылыганына байланыштуу элдин көчөгө чыгып, ары-бери сейилдөөсү күчөгөнүн белгилеген комендант аларды санитардык талаптарды бекем сактоого чакырды. «Соода борборлорунда кезекке турган адамдардын айрымдарында беткабы жок. Кезекке бири-бирине шыкалып туруп жатышат. Соода борборлорунун жана базарлардын жетекчилерине эскертем: адамдардын ортосу 1,5 метрден кем болбой турган аралыкты белгилеген шарттарды койгула. Антисептик каражаттар ар бир сатуучуда, кассирде сөзсүз болушу керек», - деди Алмаз Орозалиев. Читать дальше...

Вице-премьер-министр Акрам Мадумаров онлайн режимде чек ара маселелери боюнча кеңешме өткөрдү. Бул тууралуу өкмөттүн басма сөз кызматы кабарлады. Жыйынга Чек ара маселелери боюнча катчылыктын, Жер ресурстары боюнча мамлекеттик агенттиктин, Мамлекеттик чек ара кызматынын, Өкмөттүн Баткен облусундагы ыйгарым укуктуу өкүлчүлүгүнүн өкүлдөрү катышты. Маалыматта «Мадумаров буга чейин жетишилген макулдашуулардын алкагында чек ара боюнча маселелердин, ошондой эле чек ара кызматташтыгын өнүктүрүү боюнча... Читать дальше...

Кайрымдуулук уюмдарынын эсебинен жана шаардык бюджеттен 74 миңге жакын үй-бүлөгө азык-түлүк жардамы берилди. Бул 28-апрелге карата жардам алган үй-бүлөлөр экенин шаардык мэриянын аппарат башчысы Балбак Түлөбаев 28-апрелде брифингде билдирди. «Бишкек шаары боюнча 76 483 үй-бүлө аз камсыз болгондор катары тизмеге киргизилген. Булардын баарына күнүмдүк жашоого зарыл болгон азык-түлүк жеткирилүүдө. Мындан тышкары шаарга чектеш жайгашкан Сокулук жана Аламүдүн районуна караштуу жаңы конуштардагы 2500 үй-бүлөгө гуманитардык жардам берилген»... Читать дальше...

Өзгөчө кырдаалдар министри Замирбек Аскаровдун буйругу менен Ош облустук башкармалыгынын башчысы болуп Асан Сулайманов дайындалды. Аны 28-апрелде эмгек жамаатына министр өзү тааныштырды. Асан Сулайманов буга чейин аталган башкармалыктын башчысынын орун басары болуп иштеп келген. Өзгөчө кырдаалдар министрлигинде иштеген тажрыйбасы - 17 жыл. Үй-бүлөлүү, 45 жашта. Өзгөчө кырдаалдар министрлигинин басма сөз кызматынын маалыматына караганда, министрликтин Ош облусундагы башкармалыгынын мурдагы башчысы... Читать дальше...

Президент Сооронбай Жээнбеков бүгүн, 28-апрелде Коопсуздук кеңешинин чакан курамдагы жыйынын өткөрүп жатат. Ага айрым мамлекеттик органдардын жетекчилери, Бишкек шаарынын мэри да катышып жатканын мамлекет башчынын басма сөз кызматы кабарлады. Жыйында өлкө аймагына коронавирус инфекциясын жайылтпоо жана социалдык-экономикалык активдүүлүктү жандандыруу боюнча мындан аркы чаралар каралууда. Президенттин басма сөз кызматы: «Биринчи вице-премьер-министр Кубатбек Бороновдун, вице-премьер-министр Эркин Асрандиевдин... Читать дальше...

Кыргызстанда биринчилерден болуп коронавируска бекер текшериле тургандардын тизмеси түзүлдү. Бул тууралуу 28-апрелде саламаттык сактоо министринин орун басары Нурболот Үсөнбаев билдирди. Анын айтымында, бул тизмеге өтө кооптуу шартта иштеп жаткан медицина кызматкерлери кирип жатат.  «Бекер текшериле тургандардын биринчи тобу аныкталды, - деди ал. - Алар Бишкек шаарынын үй-бүлөлүк дарыгерлер борборлорунун коронавирус жуккан адамдар, алардын жанындагылар менен жакын контактта болгон кызматкерлери. Читать дальше...

Өкмөт ундун баасы кымбатташына жол бербөө максатында Мамлекеттик материалдык резерв фондунан алынган унду арзан баада сатууну көздөп турат. Бул тууралуу «Азаттыкка» Бишкек мэриясынын аппарат башчысы Балбак Түлөбаев билдирди. Анын айтымында, Матрезервдин 1-сорттогу бир кап уну 1400 сомдон сатылат. «Бизге өкмөт тапшырма берди. Мамлекеттик материалдык резерв фондунун унун 1400 сомдон ашырбай сатыш үчүн атайын жайларды даярдап жатабыз. Бул ун кызыл кулактыкка жол бербеш үчүн дүкөн-базарларга түшүрүлбөйт», - деди Түлөбаев. Читать дальше...

Кыргызстанда 28-апрелге карата соңку сутка ичинде коронавирус дагы 13 адамдан табылды, 21 бейтап айыгып чыкты. Бул тууралуу саламаттык сактоо министринин орун басары Нурболот Үсөнбаев билдирди. Оору табылган 13 адамдын үчөө Бишкек шаарында, алтоо Чүй облусунда, экөө Нарын облусунда жана экөө Жалал-Абад облусунда жашагандар. Ошентип, 28-апрелге карата коронавирус жуккандардын жалпы саны 708 болду, алардан 8 киши каза тапты. 416 бейтап айыгып чыкты. Коронавирус коркунучунан улам 25-марттан 15-апрелге чейин Бишкек... Читать дальше...