Жети-Өгүздүн Тамга айылында уйдан кутурма чыгып, 2 айга карантин жарыяланды
Бактыбек Жумаев кутурма малга кандайча жукканын түшүндүрүп берди:
- Кутурма кашкулактан чыккан. Кашкулак менен иттер кармашып, итти кашкулактар тиштеп, анан ошондон чыккан. Алардын баары зыянсыздандырылды. Биздин божомолубуз боюнча, кашкулак торпокту тиштеп, ошондон жуккан окшойт. Өлгөн дагы эки мал ошол торпоктун жанындагылар, аларга шилекей аркылуу жуккан.
Жети-Өгүз райондук ветеринария, фитосанитардык коопсуздук башкармалыгынын маалыматында Тамга айыл аймагында 4203 баш бодо мал, 11442 майда жандык, 1187 баш жылкы, 7865 үй канаттуулары жана 996 ит катталган. (AsM)