Он екі пән ұғымының құпиясы һәм ғалым мен ғылым жайлы бірер сөз
АСТАНА. ҚазАқпарат - Ілкідегі жәдігерлерді парақтағанымызда алдымыздан көп ұшырасқан көмескі түсініктің бірі - он екі пән ұғымы. Дүр Қашағанның домбыраны адақтап «...Пернесін күнә десеңіз, есебі ол пәннің он екі» деп Есқали сопыға сөйлегені, яки болмаса «Бір кезде Бұқара шәріпке оқуға жіберілген Талас баласы Науан табан аудармай он жыл оқып, он екі пәнді тәмам ғып, туған еліне қайтып келді» деп, Сәбит Мұқанов келтіретін деректердегі осы бір он екі пән ұғымы нені білдіреді?