ირანული წყაროს ცნობით, აშშ დათანხმდა კატარსა და სხვა ბანკებში ირანის გაყინული აქტივების გათავისუფლებას - თეთრი სახლი უარყოფს ცნობას
სააგენტოს თანახმად, წყარო მიესალმა ამ ნაბიჯს, როგორც ვაშინგტონთან ისლამაბადში გამართული მოლაპარაკებების დროს შეთანხმების მიღწევის „სერიოზულობის“ ნიშანს.
მაგრამ შაბათს აშშ-ის ოფიციალურმა პირმა უარყო ინფორმაცია, რომ ვაშინგტონი დათანხმდა ირანის აქტივების გათავისუფლებას.
როიტერმა დღის დასაწყისში გაავრცელა ინფორმაცია, რომ აშშ დათანხმდა ყატარსა და სხვა უცხოურ ბანკებში შენახული ირანის გაყინული აქტივების გათავისუფლებას, ირანის მაღალჩინოსან წყაროზე დაყრდნობით.
ისლამაბადის მოლაპარპაკებისას ირანის „წითელი ხაზები“ მოიცავს ჰორმუზის სრუტეს, ომის რეპარაციების გადახდას, ირანის გაყინული აქტივების განთავისუფლებას და რეგიონში ცეცხლის შეწყვეტას - იტყობინება ირანის სახელმწიფო ტელევიზია.
ირანის წინადადებები პაკისტანის პრემიერმინისტრს გადაეგზავნა - იუწყება ირანის სახელმწიფო ტელევიზიის რეპორტიორი ისლამაბადიდან.
ირანმა ისლამაბადში ომის შეწყვეტის თაობაზე მოლაპარაკების დაწყებამდე დააყენა პირობა, რომ ზავი ლიბანში ისრაელის ომსაც უნდა შეხებოდა და მისი აქტივები უნდა გაეთავისუფლებინათ.
წყარომ, რომელმაც საკითხის მგრძნობელობის გამო ვინაობის გამხელა არ ისურვა, Reuters-ს განუცხადა, რომ აქტივების გათავისუფლება „პირდაპირ კავშირშია ჰორმუზის სრუტეში უსაფრთხო გავლის უზრუნველყოფასთან.“
ეს თემა, სავარაუდოდ, მოლაპარაკებების მთავარი საკითხი იქნება.
წყარომ არ დააკონკრეტა ვაშინგტონის მიერ გაყინული აქტივების მოცულობა. მეორე ირანულმა წყარომ განაცხადა, რომ შეერთებული შტატები დათანხმდა კატარის მიერ ირანის მიერ გაყინული 6 მილიარდი დოლარის გათავისუფლებას.
კატარის საგარეო საქმეთა სამინისტრომ კომენტარის მოთხოვნას ჯერ არ უპასუხა.
6 მილიარდი დოლარი, რომელიც თავდაპირველად 2018 წელს გაუყინეს ირანს. 2023 წელს უნდა გათავისუფლებულიყო აშშ-ირანის პატიმრების გაცვლის ფარგლებში, მაგრამ თანხები კვლავ გაყინა პრეზიდენტ ჯო ბაიდენის ადმინისტრაციამ 2023 წლის 7 ოქტომბერს ისრაელზე ირანის მოკავშირის, პალესტინელთა მებრძოლი დაჯგუფება, ტერორისტულად შერაცხილი ჰამასის მიერ განხორციელებული თავდასხმების შემდეგ.
თანხები სამხრეთ კორეაში ირანის ნავთობის გაყიდვიდან იყო მიღებული და სამხრეთ კორეის ბანკებში გაიყინა მას შემდეგ, რაც პრეზიდენტმა დონალდ ტრამპმა 2018 წელს - თეთრ სახლში პირველი ვადის დროს - ირანის წინააღმდეგ სანქციები ხელახლა დააწესა და გაეროს უშიშროების საბჭოს წევრებსა და ირანს შორის მიღწეული ბირთვული პროგრამის შესახებ შეთანხმება დატოვა ცალმხრივად.
2023 წლის სექტემბერში დოჰას შუამავლობით აშშ-ირანის პატიმრების გაცვლის ფარგლებში, თანხა კატარის საბანკო ანგარიშებზე გადაირიცხა. პატიმრების გაცვლა გულისხმობდა ირანში დაკავებული აშშ-ის ხუთი მოქალაქის გათავისუფლებას თანხების გათავისუფლების სანაცვლოდ და შეერთებულ შტატებში დაკავებული ხუთი ირანელის გათავისუფლებას.
ამერიკის შეერთებული შტატების ოფიციალურმა პირებმა მაშინ განაცხადეს, რომ თანხა მხოლოდ ჰუმანიტარული მიზნებისთვის უნდა დახარჯულიყო.
პაკისტანის დედაქალაქში ორი მხარის შეხვედრა 11 აპრილისთვის დაიგეგმა. ეს არის აშშ-ირანის უმაღლესი დონის მოლაპარაკებები 1979 წლის ისლამური რევოლუციის შემდეგ. თუ ორივე მხარე პირისპირ მოლაპარაკებებს გამართავს, როგორც მოსალოდნელია, ეს იქნება პირველი პირდაპირი მოლაპარაკებები 2015 წლის შემდეგ, როდესაც მათ მიაღწიეს შეთანხმებას ირანის ბირთვულ პროგრამაზე.