ევროპის ბიბლიოთეკებიდან წიგნის ქურდობისთვის საქართველოს კიდევ ერთი მოქალაქე დააკავეს
საქართველოს პროკურატურა იუწყება, რომ ევროკავშირის ქვეყნების ბიბლიოთეკებიდან ძვირადღირებული წიგნების ქურდობის ბრალდებით კიდევ ერთი ადამიანი დააკავეს. როგორც გამოძიებით დადგინდა, საქართველოს მოქალაქეებმა შექმნეს ორგანიზებული დანაშაულებრივი ჯგუფი და განიზრახეს ევროპის მასშტაბით დაუფლებოდნენ მე-19 საუკუნის სხვადასხვა ავტორის ძვირადღირებულ წიგნებს.