კორონავირუსი: 800 ათასზე მეტი დაინფიცირებული, 41 ათასზე მეტი დაღუპული
COVID-19-ის ინფექციის შედეგად გარდაიცვალა სულ მცირე 41 ათასი პაციენტი. კორონავირუსი მარტის თვეში გავრცელდა მსოფლიოს თითქმის ყველა ქვეყანაში და პანდემიის ხასიათი შეიძინა
ყველაზე რთული ვითარებაა იტალიაში, სადაც 31 მარტის მონაცემებით კორონავირუსის შედეგად გარდაიცვალა 12 ათასზე მეტი ადამიანი. სამშაბათს იტალიაში საყოველთაო გლოვის დღე იყო გამოცხადებული.
გაეროს გენერალურმა მდივანმა, ანტონიო გუტერეშმა კორონავირუსს უწოდა მეორე მსოფლიო ომის შემდეგ კაცობრიობის წინაშე მდგარი ყველაზე დიდი კრიზისი და განაცხადა, რომ თითოეული ქვეყნის მოსახლეობისათვის საფრთხის შემცველ ამ პანდემიასთან ბრძოლა ეკონომიკის რეცესიას გამოიწვევს.