ზურაბიშვილი პატიმართა შეწყალებაზე: „მე მივიღე გადაწყვეტილება, მე ვარ პასუხისმგებელი"

„შეწყალება არ არის ის, რაც ზოგს ჰგონია, ეს არ არის გამართლება  ვინმესი. ეს არ არის ამავე დროს არც რევიზია რომელიმე სასამართლოსი. ეს არ არის რაღაცა მეოთხე ძალაუფლება, რომელსაც აქვს სასამართლოზე ზემოთ რამე გამოცდილება, ეს არის სუბიექტური, პერსონალური, პრეზიდენტის გადაწყვეტილება მისი პასუხისმგებლობის ქვეშ.

ეს არის შეფასება გარემოებების, შეფასება იმ მოცემულობის და შეფასება კიდევ ერთხელ ადამიანის მიერ, რომელიც არის ამავე დროს პრეზიდენტი, მაგრამ ადამიანის მიერ და რაც არც გამორიცხავს შეცდომას,  არც გამორიცხავს, რო სხვას ჰქონდეს სხვა შეფასება იმავე გარემოებების“, - განაცხადა სალომე ზურაბიშვილმა ათონელის სასახლეში გამართულ ბრიფინგზე.

მისი თქმით,  უნდა  დამთავრდეს სპეკულაციები იმაზე, ვინ ახდენს ზეგავლენას  შეწყალების პროცესზე; „მე მივიციღე გადაწყვეტილება, მე ვარ პასუხისმგებელი და არ მჩვევია, რომ ვინმე სხვაზე გადავიტანო ეს პასუხისმგებლობა“, - განაცხადა სალომე ზურაბიშვილმა. 18 სექტემბერს მან მიიღო  მიიღო გადაწყვეტილება შეწყალების პროცესზე მორატორიუმის შესახებ. 

საქართველოს პრეზიდენტმა აგვისტოში, მარიამობის დღესასწაულთან დაკავშირებით 34 პატიმარი შეიწყალა. მათ შორის აღმოჩნდნენ პოლიციელის მკვლელობაში მსჯავრდებული რამაზ დევაძე და 18 წლის გიორგი ოთხმეზურის მკვლელობაში მსჯავრდებული ასლან ბეჟანიძე.