კრემლის პრეს-მდივანი: რუსეთი არასოდეს ჩარეულა და არც დაუგეგმავს ჩარეულიყო აშშ-ის და სხვა ქვეყნების არჩევნებში
კრემლის პრეს- მდივანმა, დმიტრი პესკოვმა, როცა აშშ-ის საგანგებო პროკურორის, რობერტ მიულერის ანგარიშის დასკვნის თაობაზე კომენტარი გააკეთა, კიდევ ერთხელ განაცხადა, რომ რუსეთი არასოდეს ჩარეულა და არც დაუგეგმავს ჩარეულიყო აშშ-ის და სხვა ქვეყნების არჩევნებში.
პესკოვის თქმით, „ჩძნელია ბნელ ოთახში შავი კატის დაჭერა განსაკუთრებით, თუ ის იქ არ არის“. პესკოვი გამოეხმაურა აშშ-ის სპეციალური პროკურორის ანგარიშის დასკვნას რუსეთის შესაძლო კავშირის შესახებ აშშ-ის 2016 წლის არჩევნებთან.
სპეცპროკურორმა რობერტ მიულერმა აღნიშნა, რომ მის „გამოძიებას არ დაუდგენია, რომ ტრამპის საარჩევნო კამპანიის წევრები რუსეთის მთავრობასთან კონსპირაციას ან კოორდინაციას აწარმოებდნენ არჩევნებში მისი ჩარევისკენ მიმართულ საქმიანობაში“.
დონალდ ტრამპმა გამოაცხადა, რომ მიულერის გამოძიება წარმოადგენს „მის სრულ და ტოტალურ გამართლებას“.
„პრეზიდენტი ტრამპი არაა სწორი, როცა პასუხიმგებლობისგან სრულ განთავისუფლებაზე ლაპარაკობს, განუცხადა ჟურნალისტებს ჯეროლდ ნადლერმა, აშშ-ის კონგრესის წარმომადგენელთა პალატის იურიდიული კომიტეტის თავმჯდომარემ. ნადლერი თვლის, რომ „საგანგებო პროკურორს ტრამპი არ გაუმართლებია“.
კრემლის წარმომადგენლის თქვით, რუსეთი მზად არის აშშ-თან ურთიერთობის გაუმჯობესებისთვის, მაგრამ ახლა "ბურთი" აშშ-ის მხარესაა, ის ტრამპს ჰელსინკიში მისცეს. განაცხადა პესკოვმა, რომელმაც ფინეთში აშშ-ის და რუსეთის პრეზიდენტების შეხვედრა გაიხსენა.