უკრაინის შესაძლო საპრეზიდენტო კანდიდატს კავშირები აქვს რუსეთის ტელე და კინოკომპანიებთან
პოპულარულ უკრაინელ მსახიობს და შესაძლო საპრეზიდენტო კანდიდატს, როგორც ჩანს, კავშირები აქვს რუსეთში მდებარე შოუბიზნესის რამდენიმე კომპანიასთან, თუმცა თავად მსახიობი უარყოფს მსგავსი ინტერესების ქონას. ვლადიმირ ზელენსკი, რომელმაც გასულ თვეში გამოაცხადა პრეზიდენტად კენჭისყრის სურვილი, დაკავიშრებულია სამ რუსულ სატელევიზიო და კინოკომპანიასთან, თანახმად ინფორმაციისა, რომელიც მოიპოვა რადიო თავისუფლების უკრაინული სამსახურის და უკრაინული ტელეარხის, UA-ს ერთობლივმა საგამოძიებო პროექტმა, "სქემებმა". ამ სამმა კომპანიამ, სახელწოდებებით Vaisberg Pictures, Platinumfilms, and Green Films, 2014-2017 წლების შუალედში დაახლოებით 13 მილიონი დოლარის ოდენობის მოგება ნახა. ეს კომპანიები დააარსა კვიპროსში რეგისტრირებულმა ორგანიზაციამ სახელწოდებით Green Family LTD, რომელიც ასევე დამაარსებელია შოუბიზნესის კიდევ ერთი ფირმისა, Quarter 95-ის. ზელენსკიმ უწინ საჯაროდ აღიარა, რომ ის Quarter 95-ს მფლობელია. უკრაინის საპრეზიდენტო კანდიდატების მიერ რუსეთში კომპანიების ფლობის საკითხი მწვავეა რუსეთთან მიმდინარე კონფლიქტის ფონზე 2014 წელს ყირიმის ანექსირების და აღმოსავლეთ უკრაინაში მიმდინარე ომის გამო. ზელენსკიმ გასულ თვეში უკრაინის მედიასთან თქვა, რომ რუსეთში ყველა თავისი ბიზნესი დახურა 2014 წელს, მას შემდეგ, რაც მოსკოვმა უკრაინისგან ყირიმის ანქესირება მოახდინა და უკრაინის აღმოსავლეთში სეპარატიზმის გაღვივებას უწყობს ხელს.