რუსეთის არმია „მაკაროვზე“ უარს ამბობს
წყაროს ინფორმაციით, მარტში მუშაობას დაასრულებს უწყებათაშორისი კომისია, რომელიც უფლებამოსილია მიიღოს გადაწყვეტილება „მაკაროვის“ სისტემის პისტოლეტის ახალი მოდელით ჩანაცვლების თაობაზე. კომისიამ ასევე უნდა შეარჩიოს შესაბამისი სამრეწველო პლატფორმა, რომელიც უზრუნვეყოფს ახალი იარაღის პისტოლეტიწარმოებას.
„განიხილება სამი ვარიანტი: „ვიატსკიე პოლიანი“, „კალაშნიკოვ“ და ზუსტი მანქანათმშენებლობის სამეცნიერო-კვლევითი ინსტიტუტი. ძირითადი პრეტენდენტები - მოსკოვი და იჟევსკია, თუმცა ძირითადი ტექნოლოგიები და კომპეტენციები, რომლებიც საჭიროა პისტოლეტის წარმოებისათვის, ზუსტი მანქანათმშენებლობის სამეცნიერო-კვლევით ინსტიტუტს აქვს“, - ამბობს რუსეთის სამხედრო-სამრეწველო კომპლექსის ინკოგნიტო წყარო.
რუსული მედია ადრეც იუწყებოდა, რომ დასრულდა რუსეთის თავდაცვის სამინისტროსათვის განკუთვნილი პისტოლეტის (ვაზნით 9×21) გამოცდა. იარაღი დაექვემდებარა კლიმატურ და მექანიკურ გამოცდას, გამოკვლეული იქნა ბალისტიკური მახასიათებლები. მოწყობილობა გამართულად მუშაობდა ტემპერატურის ფართო დიაპაზონში პლუს 50 გარდუსიდან მინუს 70 გრადუსამდე.
ახალმა იარაღმა უნდა ჩაანაცვლოს მაკაროვის სისტემის პისტოლეტი, რომელიც შეიარაღებაში მიღებულ იქნა ჯერ კიდევ 1951 წელს დაყველაზე გავრცელებული პისტოლეტია რუსეთისა და პოსტსაბჭოთა ქვეყნების არმიასა და სამართალდამცავ ორგანოებში.
„მაკაროვის“ გარდა, რუსეთის არმია ასევე იყენებს „სტეჩკინის“ (ვაზნა 9×18) სისტემის პისტოლეტს, რომელიც ძირითადად რუსეთის თავდაცვისა და შს სამინისტროების სპეცრაზმებიის შეიარაღებაშია.