Թալիբները պատրաստվում են հայտարարել Աֆղանստանի իսլամական էմիրության ստեղծման մասին
«Թալիբան» խմբավորման գրոհայինները շուտով պատրաստվում են հայտարարել Աֆղանստանի իսլամական էմիրության ստեղծման մասին, հաղորդում է Associated Press-ը՝ վկայակոչելով թալիբների ներկայացուցչին:
Թալիբներն այս հայտարարությունը պետք է անեն Քաբուլի նախագահական պալատից: Կան տեղեկություններ, որ գրոհայիններն արդեն գրավել են պալատը:
Հենց այսպես էին կոչում Աֆղանստանը «Թալիբան»-ի կառավարման օրոք՝ 1996-2001 թվականներին:
Թալիբները կոչ են արել բնակչությանը չանհանգստանալ Քաբուլի անվտանգության համար:
Ավելի վաղ Աֆղանստանի նախկին նախագահ Համիդ Քարզայը հայտնել էր, որ Քաբուլում քաոսը կանխելու համար ստեղծվել է համակարգող խորհուրդ, որը գլխավորում են համաձայնության գերագույն խորհրդի նախագահ Աբդուլլահ Աբդուլլահը, Աֆղանստանի նախկին նախագահ Համիդ Քարզայը և Իսլամական կուսակցության առաջնորդ Գյուլբեդդին Հեքմաթյարը:
Տեղի ԶԼՄ-ների հաղորդման համաձայն՝ Աֆղանստանի նախագահ Մուհամմադ Աշրաֆ Ղանին մեկնել է Տաջիկստան:
The post Թալիբները պատրաստվում են հայտարարել Աֆղանստանի իսլամական էմիրության ստեղծման մասին appeared first on ԳԱԼԱ.