WTI ապրանքանիշի նավթն էժանացել է 24 տոկոսով և արժե 12.5 դոլար
Տեխասյան WTI ապրանքանիշի նավթի գնանկումն արագացել է շուկայում նավթի հումքի գերավելցուկի վտանգի պատճառով:
Ինչպես հաղորդում է РИА Новости-ն, աճուրդների վերջին տվյալների համաձայն՝ WTI-ի հունիսյան ֆյուչերսներն էժանացել են 24 տոկոսով՝ հասնելով 12.5 դոլարի:
Միևնույն ժամանակ հյուսիսծովյան Brent ապրանքանիշի հուլիսյան ֆյուչերսների գինը նվազել է 6.37 տոկոսով՝ հասնելով 23.23 դոլարի՝ մեկ բարելի դիմաց: Հունիսյան պայմանագրերի գինը նվազել է 6.86 տոկոսով՝ հասնելով 19.97 դոլարի՝ մեկ բարելի դիմաց:
Նախորդ շաբաթ ամերիկյան WTI տեսակի նավթի մայիսյան ֆյուչերսների գինը պատության մեջ առաջին անգամ նվազել էր 300 տոկոսով՝ հասնելով -37.63 դոլարի՝ մեկ բարելի դիմաց: Նման ցուցանիշ էր գրանցվել, քանի որ վաճառողները ցանկանում էին լեփ-լեցուն պահեստներն ազատել ավելորդ նավթից: Հանգստյան օրերին Brent-ի նավթի գնային գործակիցը նվազել էր 23.65 տոկոսով, WTI-ինը՝ 7.3: