Մեծ Բրիտանիայի ներկան ու ապագան` մեկ լուսանկարում. թագավորական ընտանիքը նոր պաշտոնական լուսանկար է հրապարակել
Բուքինգհեմյան պալատը հունվարի 3-ին հրապարակել է Մեծ Բրիտանիայի ներկան ու ապագան «ամփոփող» նոր պաշտոնական լուսանկար, որում պատկերված են թագուհի Էլիզաբեթ 2-րդը, նրա որդին` արքայազն Չարլզը, թոռը` արքայազն Ուիլյամը, և ծոռը` 6-ամյա արքայազն Ջորջը, որով ազդարարվում է նոր տասնամյակի գալուստը: Այս մասին տեղեկացնում է CNN-ը:
Թագուհուն և գահաժառանգներին պատկերող լուսանկարի հեղինակը Ռանալդ Մաքեչնին է:
Լուսանկարն արվել է դեկտեմբերի 18-ին՝ թագավորական պալատում:
Նշենք, որ 2016 թվականին արված չորս լուսանկարներից առաջինը, որը նվիրված էր թագուհու 90-ամյակին, հետագայում օգտագործվել է նամականիշների համար:
Դեռևս 2016 թվականի լուսանկարներն անելիս Մակեչնին նշել էր, որ թագավորական ընտանիքին լուսանկարելն իր համար շատ ավելի հեշտ է, քան իր սեփական ընտանիքին լուսանկարելը: