Ալ-Հիլալը ՝ Ասիայի Չեմպիոնների լիգայի հաղթող
Armsport-ը գրում է.
Ասիայի Չեմպիոնների լիգայում հաղթեց Սաուդյան Արաբիայի «Ալ-Հիլալը»: Եզրափակչում, երկու հանդիպման արդյունքում, «Ալ-Հիլալն» ուժեղ էր ճապոնական «Ուրավա Ռեդս» ակումբից ՝ ընդհանուր 3:0 հաշվով:
Իրենց դաշտում 1:0 հաշվով հաղթելուց հետո Սաուդյան Արաբիայի ակումբը հյուրընկալվելիս ևս հաղթեց «Ուրավային»՝ 0։2: Այսպիսով` «Ալ-Հիլալը» դարձավ յոթերորդ մասնակիցը գալիք ակումբային աշխարհի առաջնությունում:
Այս մրցաշարում «Ալ-Հիլալը» կսկսի իր ելութները 1/4 եզրափակիչ փուլից, որտեղ կխաղա թունիսյան «Էսպերանսի» հետ: