Սամվել Կարապետյանի հանձնառությամբ վերաբացվել է Մայր Աթոռի վեհարանը
Մայր Աթոռ Սուրբ էջմիածնում վերաբացվեց Վեհարանը' Ամենայն Հայոց Կաթողիկոսների նստավայրը: Ավելի քան 100 տարվա պատմություն ունեցող Հայրապետանիստը կառուցվել է հայ մեծ բարերար Ալեքսանդր Մանթաշյանցի միջոցներով, այսօր Պատմական կառույցը հիմնանորոգվել ու բարեկարգվել է Սամվել կարապետյանի ու նրա ընտանիքի օժանդակությամբ և ֆինանսավորմամբ:
«Փառք և գովություն ենք առ Աստված բարձրացնում, որ բարի ավարտին հասան Վեհարանի հիմանորոգման ու կառուցապատման աշխատանքները և մենք այսօր պատրաստվում ենք կատարել Վեհարանի բացումը: Այս առումով ողջունում ենք ամենքիդ Մայր Առոթ Սուրբ Էջմիածնում և բերում մեր օրհնությունը»,- ասաց Ամենայն Հայոց կաթողիկոսը:
Նրա խոսքով՝ Սբ. Էջմիածինը համայն ժողովորդի նվիրական սրբավայրն է և դարերի ընթացքին մշտապես մեր ժողովորդի նվիրումով ու սիրով, հավատքով վերակառուցվել է, շենացել ու պայծառացել:
«Վեհարանը, ինչպես գիտեք, կառուցվել է գրեթե մեկ դար առաջ՝ Ալեքսանդր Մանթաշյանի ազնիվ նվիրաբերությամբ, սակայն, ցավոք այն երկար ժամանակ չի ծառայել իր նպատակին, գործածվել է իբր զինվորական հոսպիտալ, և միայն 1962-ին լուսահոգի Վազգեն Վեհափառ Հայրապետի ջանքերով հնարավոր եղավ Վեհարանի շինությունը վերադարձնել Մայր Աթոռին, և Հայրապետը ձեռնամուխ եղավ վերակառուցման աշխատանքներին և այդ թվականից ի վեր Վեհարանը ծառայում է որպես Հայրապետների համար նստավայր և իր առաքելությունն է իրականացնում մեր ժողովրդի հոգևոր կյանքում: Մենք փառք և գոհություն ենք տալիս, որ այսօր մենք շնորհիվ մեկ այլ ազգային մեծ բարերարի՝ տեր և տիկին Կարապետյանների, հնարավորություն ունենցանք վերանորոգված տեսնելու այս պատմական շինությունը, նաև ունենալու մատուռ Վեհարանի համալիրում և հանդիսությունների դահլիճ: Մեր ժողովդրի անունից, անձամբ իմ կողմից, ես կուզեմ բարձր գնահատանքի ու շնորհակալության խոսք ուղղել մեր ազնիվ բարերարին՝ Սամվել Կարապետյանին՝ իր ազնիվ հանձնառության համար»,- լրագրողների հետ զրույցում ասաց Ամենայն Հայոց կաթողիկոսը:
Վեհարանի նորոգման ծրագրին Կարապետյանների ընտանիքը ամբողջապես ստանձեց Վեհարանի նորոգության ծրագիրը: Վեհարանի սրահներում զետեղված են հայազգի երևելի դեմքերի ստեղծագործությունններ, թանգարանում պարփակված են հայ ոսկերչության ու արծաթագործության բարձրարվեստ նմուշներ: Կաթողիկոսական գրադարանում, զետեղվել է օնիքսե Հայրապետական Գահը' իր նշանակներով:
Սրահի կամարակապ շրջափակում Կարապետյանների նվիրատվությամբ կառուցվել է Սրբոց հայրապետաց մատուռը, ծաղկված զարդապատկերներով և ավետարանիչների խորհրդանշաններով: