Մարգարիտա Սիմոնյանն Ասանժին դարաշրջանի մեծանուն լրագրող է անվանել
«Ռուսաստանն այսօր» գործակալության գլխավոր խմբագիր Մարգարիտա Սիմոնյանը Россия 1 հեռուստաալիքով հեռարձակվող «Մոսկվա, Կրեմլ, Պուտին» ծրագրի եթերում խոսել է WikiLeaks-ի հիմնադիր Ջուլիան Ասանժի մասին՝ նրան անվանելով ժամանակակից դարաշրջանի մեծանուն լրագրող:
«Կարծում եմ, որ Ասանժն այն մարդն է, որը հաստատ կմտնի պատմության մեջ, եթե աշխարհը գոնե մի քիչ էլ զարգանա այնպես, ինչպես մենք սովոր ենք», - РИА Новости-ի փոխանցմամբ՝ ասել է Սիմոնյանը:
Նրա խոսքով՝ WikiLeaks-ի հիմնադիրը աշխարհը փոխել է դեպի լավը՝ ցույց տալով մարդկանց ճշմարտությունը: «Ասանժն արել է այն, ինչ պարտավոր է անել լրագրությունը, այն, ինչի համար լրագրությունը գոյություն ունի», - ասել է Սիմոնյանը:
Ջուլիան Ասանժը ճանաչում է ձեռք բերել Աֆղանստանում և Իրաքում ԱՄՆ ռազմական գործողությունների և Գուանտանամոյի բանտի պայմանների մասին բացահայտող հրապարակումների մերկացումից հետո: