Մեսսին տվել է աշխարհի լավագույն ֆուտբոլիստների անունները
armsport.am-ը գրում է.
Կատալոնական «Բարսելոնայի» հարձակվող Լիոնել Մեսսին հայտնել է, թե ըստ իրեն, ովքեր են աշխարհի լավագույն ֆուտբոլիստները.
«Աշխարհի լավագույննե՞րը, Կիլիան Մբապե, Նեյմար, Էդեն Ազար, Լուիս Սուարես և Սերխիո Ագուերո: Նրանցից յուրաքանչյուրը կարող է լինել լավագույնը:
Ես այդ ցանկից հանել եմ Ռոնալդուին. նա ինձ հետ է:
Հաճելի էր նրա դեմ խաղալը: Ինձ դուր էր գալիս նվաճել տիտղոսներ այն ժամանակ, երբ նա «Ռեալում» էր: Հրաշալի կլիներ, եթե նա կրկին լիներ Մադրիդում»,- ասել է 31-ամյա խաղացողը El Mundo Deportivo-ի հետ զրույցում:
Այս մրցաշրջանում արգենտինացին մասնակցել է կատալոնական ակումբի 37 հանդիպման, դարձել է 39 գոլի ու 21 գոլային փոխանցման հեղինակ: