Կառլես Պուչդեմոնը նոր կուսակցություն է ստեղծում՝ հանուն Կատալոնիայի անկախության պայքարելու համար
Կատալոնական Մանրեսա քաղաքում հոկտեմբերի 27-ին անցկացվում է Կատալոնիայի անկախությանը կողմնակիցների «Ազգային կոչ պետությանը» շարժման հիմնադիր համագումարը:
Ինչպես տեղեկացնում է DW.com-ը, շարժման նախաձեռնությունը պատկանում է Կատալոնիայի նախկին ղեկավար Կառլես Պուչդեմոնին, որի կարծիքով՝ շարժումը 2019-ի հունվարին արդեն կվերածվի կուսակցության: Այն պետք է միավորի կատալոնական ինքնիշխանության բոլոր կողմնակիցներին՝ անկախ նրանց քաղաքական կողմնորոշումից, որոնց համատեղ նպատակը կլինի Իսպանիայի կազմից Կատալոնիայի դուրս գալու համար պայքարը:
Նշվում է, որ Պուչդեմոնն ինքը համագումարին չի մասնակցել, քանի որ գտնվում է Բելգիայում՝ խուսափելով Իսպանիայի արդարադատությունից: Անցյալ տարվա հոկտեմբերին անցկացված անկախության հանրաքեվի տապալումից հետո Մադրիդը Պուչդեմոնի նկատմամբ քրեական գործ է հարուցել: