240.000 դոլար. Քանյե Ուեսթը Քիմ Քարդաշյանին նրա երազանքի մեքենան է նվիրել (լուսանկարներ, տեսանյութ)
Ամերիկացի հայտնի ռեփեր Քանյե Ուեսթը կնոջը՝ հեռուստաաստղ Քիմ Քարդաշյանին, ճոխ նվեր է մատուցել, գրում է Daily Mail-ը՝ մանրամասնելով, որ խոսքը 240.000 դոլարանոց Mercedes Benz G-Wagon մեքենայի մասին է:
Նեոնային դեղնականաչավուն մեքենայի լուսանկարը հայտնվել է 37-ամյա հայուհու ինստագրամյան էջում: Քարդաշյանը խոստովանել է, որ դա իր երազանքի մեքենան է:
Քարդաշյանը մանրամասնել է, որ մի քանի օր առաջ այս մեքենայով Մայամիում ընկերոջ հարսանիքին էր գնացել ու հենց այդ պահից սիրահարվել էր մեքենային: Դրանից հետո Ուեսթը որոշել է մեքենան կնոջ համար գնել:
«Աստված իմ, երբ դուրս եկա մարզասրահից ու տեսա այս փոքրիկին, ակակնկալի եկա: Ես այնքան շատ էի այն հավանել Մայամիում ու անընդհատ դրա մասին էի խոսում: Ես ստացա իմ երազանքի մեքենան: Տեսեք, թե ով է այն ինձ նվիրել»,-ասել է Քարդաշյանը՝ տեսախցիկը պահելով ամուսնու ուղղությամբ:
