Որևէ մեկը չի կարող երեխային պարտադրել սև ու սպիտակ հագուստ կրել. կրթության նախարար
Որևէ մեկը չի կարող ծնողին կամ երեխային պարտադրել սև ու սպիտակ հագուստ կրել։
Այս մասին ֆեյսբուքյան ուղիղ եթերում նշեց ՀՀ կրթության և գիտության նախարար Արայիկ Հարությունյանը։
«Բացառություն կարող են կազմել այն դեպքերը, երբ ծնողական խորհուրդը հավաքվում է և որոշում, որ իրենց երեխաները բոլորը պետք է սև ու սպիտակ հագնվեն։ Մնացած բոլոր դեպքերում որևէ մեկը չի կարող երեխաներին պարտադրել»,– ընդգծեց նախարարը։
Արայիկ Հարությունյանը հավելեց նաև, որ պետք չէ ողջախոհության սահմաններից դուրս գալ։ «Երեխային պետք է հասարակ, հարմար հագուստ հագցնել, եթե ծնողները չեն ցանկանում, որ իրենց երեխան սև ու սպիտակ հագնվի»,– ասաց նախարարը։