COVID-19 вирусца доьзна йоллу Францехь комендантан сахьт кхайкхийна
Хьалхо комендантан сахьт дара лелаш мехкан 25 депатраментехь. Мел лахара а 15 денна дIакхайкхийна Францехь комендантан раж. Британехь гучуяьлла вирусан керлачу штаммца доьзна ду дозанаш деттар.
COVID-19 вирус яц аьлла негативе тест хила еза Дечкен-беттан 18-чохь дуьйна Шенгенан зони юкъа йогIуш йоцучу пачхьалкхашкара чуоьхучу нехан карахь. Цул тIаьхьа кIиранна карантине ховшор бу уьш, тIаккха юха а тест яла дезар ду.
Pfizer/BioNTech а, Moderna олучу препараташца вакцинаци йолийна Францехь. Делахь а, байначу беттан тIаьххьарчу деношкара схьа махкахь 140 эзар стагна бен диттина дац мехий.
Пандеми яьржичхьана Францехь COVID-19 вирус кхийтира кхаа миллионна гергга вахархочунна. Уьнах кхелхина 70 эзар гергга дархо.