Сяржук Доўгушаў: Вялікдзень – гэта Новы год, калі казаць пра народны каляндар
Каталікі адзначаюць Вялікдзень. У гонар свята на Беларускім Радыё Рацыя выйдзе спецыяльная праграма Марыны Савіцкай “Музычны Вялікдзень”.
Падчас яе этнограф, мультыінструменталіст, спявак, заснавальнік культурнага руху “Спеўны Сход”, лідар гурта “Vuraj” Сяржук Доўгушаў распавядзе, чым адметны гэты перыяд.
– Вялікдзень – гэта Новы год, калі казаць пра народны каляндар. Гэта адно з самых важных святаў у народным календары, калі прыходзіў год, усё прабуджалася. Для мяне гэта яшчэ важна, што якраз я нарадзіўся вельмі блізка, 17 красавіка, часам нават супадала, што ў гэты дзень быў Вялікдзень.
Пра тое, як Вялікдзень адзначалі нашыя продкі, якія традыцыі захаваліся з тых часоў і ці адзначаюць Вялікдзень у ЗША Сяржук Доўгушаў раскажа ў праграме “Музычны Вялікдзень” сёння, у суботу, 8-га красавіка ў 20:05 (па польскім часе). Паўтор праграмы прагучыць у нядзелю, 9-га красавіка, у 14:05.
Беларускае Радыё Рацыя
Artykuł Сяржук Доўгушаў: Вялікдзень – гэта Новы год, калі казаць пра народны каляндар pochodzi z serwisu БЕЛАРУСКАЕ РАДЫЁ РАЦЫЯ.