Гено Тэбідзэ: Мне вельмі прыемна супрацоўнічаць з беларусамі
Грузінскі палітык Гено Тэбідзэ, які быў на акцыі памяці паўстанцаў Каліноўскага ў Батумі, лічыць беларусаў сваімі сябрамі і калегамі і вельмі прыязнай для сяброўства нацыяй:
-Для нас, грузінаў, вельмі прыемна бачыць у нашым горадзе, нашай краіне, гэтых цудоўных людзей – беларусаў, бо яны адрозніваюцца сваімі традыцыямі і ладам жыцця. Яны вельмі сумленныя, а таксама законапаслухмяныя. Гэта людзі, якія паважаюць закон. Гэта людзі сумленныя з пачатку і да канца.
Палітык лічыць, што беларусы таксама былі аднымі з заснавальнікаў гуманітарнага цэнтра дапамогі ўкраінцам у Батумі:
-Гэты гуманітарны цэнтр, які мы стварылі, мы стварылі разам з беларусамі і ўкраінцамі. Гэта ўжо гаворыць пра тое, што ў нас вельмі блізкія адносіны. Калі б беларусы ўвесь час не дапамагалі ў гэтым цэнтры, магчыма, узніклі б вялікія праблемы.
Батумі стаў для многіх беларусаў «хабам» ці стартавай пляцоўкай, куды можна патрапіць без візы і тут за апошні год па неафіцыйных дадзеных было каля 10 тысяч беларусаў, а некалькі тысяч засталіся тут жыць.
Беларускае Радыё Рацыя
Artykuł Гено Тэбідзэ: Мне вельмі прыемна супрацоўнічаць з беларусамі pochodzi z serwisu БЕЛАРУСКАЕ РАДЫЁ РАЦЫЯ.