Агляд СМІ: Генеральны сакратар ААН выказаў занепакоенасць выбухамі ў Афганістане
Генеральны сакратар ААН выказаў занепакоенасць выбухамі ў Афганістане. Шольца заклікалі не рызыкаваць Нямеччынай дзеля Украіны. Літва заклікала ануляваць візы расейцаў. У Іспаніі з-за засухі адрадзіўся ўласны «Стоўнхэндж», яму больш за 6000 гадоў. Падрабязнасці ў аглядзе сусветнай прэсы Атона Разумоўскага.
Генеральны сакратар ААН Антоніу Гутэрыш занепакоены серыяй выбухаў у Афганістане піша The Independent.
У выніку інцыдэнтаў больш за 250 чалавек былі параненыя ці забітыя, адзначаецца ў заяве намесніка афіцыйнага прадстаўніка генеральнага сакратара ААН Фархана Хака. Як гаворыцца ў паведамленні, Гутэрыш рашуча асуджае гэтыя напады, уключаючы атаку на мячэць у Кабуле 17 жніўня. Генеральны сакратар ААН выказаў спачуванні сем’ям загінулых і пажадаў параненым скарэйшага акрыяння.
Раней тэлеканал Al Jazeera са спасылкай на крыніцу ў сілавых структурах Афганістана паведаміў, што 17 жніўня ў мячэці на паўночным усходзе Кабула прагрымеў выбух. У выніку інцыдэнту 20 чалавек загінулі, яшчэ 40 былі параненыя.
У апошнія месяцы Аўганістан захліснула серыя выбухаў, перастрэлак і ўзброеных нападаў. Ахвярамі здарэнняў сталі як прыхільнікі руху «Талібан», які захапіў уладу ў дзяржаве, так і грамадзянскія асобы. Групоўка «Ісламская дзяржава» прызнала сябе адказнай за гэтыя здарэнні.
Гандлёвая асацыяцыя акругі Гале-Заалекрайс у зямлі Саксонія-Анхальт звярнулася да канцлера Германіі Олафа Шольца з заклікам захаваць нямецкую эканоміку і зняць санкцыі супраць Расеі. Аб гэтым піша нямецкае выданне Die Welt.
Нямецкія прамыслоўцы і майстры ў сваім звароце да канцлера Олафа Шольца падкрэслілі, што пераважная большасць іх кліентаў і яны самі «не жадаюць ахвяраваць дзеля Украіны сваім узроўнем жыцця, заробленым крэўнай працай». На фоне жорсткіх санкцый супраць Расеі рызыка эканамічнага спаду ў еўразоне дасягнула самага высокага ўзроўню з лістапада 2020 года. А кіраўнік Мінэканомікі ФРГ Роберт Хабек паведаміў, што краіна можа сутыкнуцца з цяжкімі выпрабаваннямі ўжо гэтай зімой з-за праблем з пастаўкамі расейскага газу.
Кіраўнік Міністэрства замежных спраў Літвы Габрыэлюс Ландсбергіс заклікаў Еўразвяз ануляваць шэнгенскія візы расейцаў і беларусаў.
Аб гэтым ён заявіў у сваю калонцы для Politico. З канца лютага Літва спыніла выдачу турыстычных віз расейцам «у знак салідарнасці з Украінай». Ландсбергіс падкрэсліў, што краіна працягвае выдаваць гуманітарныя візы і расейцам, і беларусам. Аналагічныя рашэнні прынялі Латвія і Эстонія. «Тым не менш застаецца некалькі праблем. Расейскія турысты, якім улады краін Балтыі адмовілі ў выдачы візы, могуць па-ранейшаму звяртацца па візу ў любой іншай краіне-сябра ЕС», – заявіў дыпламат. Ён адзначыў, што, атрымаўшы візу, гэтыя расейцы па-ранейшаму адпраўляюцца ў краіны, найбольш блізкія да межаў Расеі і Беларусі, – гэта значыць у Прыбалтыку. Ландсбергіс падкрэсліў, што ў Прыбалтыцы «не жадаюць прымаць гасцей з Расеі», большасць з якіх, на яго думку, зʼяўляюцца прыхільнікамі прэзідэнта РФ Уладзіміра Пуціна.
Іспанскі «Стоўнхэндж» адрадзіўся на фоне разбуральнай засухі ў Іспаніі. Гэты гістарычны цуд пад назвай Дольменам Гуадальпераль, было відаць усяго чатыры разы.
Эксперты лічаць, што дзіўнае кола з дзясяткаў мегалітычных камянёў існуе з 5000 г. да н.э.
Тым не менш, ён быў упершыню знойдзены нямецкім археолагам Хʼюга Обермаерам у 1926 годзе, перш чым ён быў затоплены ў 1963 годзе з-за праекта развіцця сельскай мясцовасці пры дыктатуры Франсіска Франка.
Цяпер збудаванне знаходзіцца ў вадасховішчы Вальдэканас, размешчанага ў цэнтральнай правінцыі краіны Касерэс.
Афіцыйныя асобы гавораць, што ўзровень вады ў вадасховішчы ўпаў да 28%. Археолаг Энрыке Седзільё з Мадрыдскага ўніверсітэта Камплутэнсе кажа, што гэты сапраўдны цуд – атрымаць доступ да такога абʼекта. Паводле Энцыклапедыі Новага Света, дольмены ўяўляюць сабой вертыкальна размешчаныя камяні, якія звычайна падтрымліваюць плоскі валун ці замкавы камень. Аднак як яны былі ўзведзены, застаецца загадкай. Паколькі чалавечыя рэшткі часта знаходзяць побач з дольменамі ці ў іх па ўсёй Еўропе, лічыцца, што збудаванні служылі магільніцамі.
Беларускае Радыё Рацыя
Artykuł Агляд СМІ: Генеральны сакратар ААН выказаў занепакоенасць выбухамі ў Афганістане pochodzi z serwisu БЕЛАРУСКАЕ РАДЫЁ РАЦЫЯ.